ಬೆಂಗಳೂರು, ಏ.19, ಕೊರೊನಾ ನಿಯಂತ್ರಿಸಲು ಲಾಕ್ ಡೌನ್  ನಡುವೆ ನಗರದ ಖಾಲಿ‌ ರಸ್ತೆಯಲ್ಲಿ  ಯುವತಿಯರು ಎರ್ರಾ ಬಿರ್ರಿ ಕಾರು ಚಾಲನೆ ಮಾಡುವ ಮೂಲಕ ಪುಂಡಾಟ ಮೆರೆದಿದ್ದಾರೆ ಎಂಬ ಆರೋಪ  ಕೇಳಿ ಬಂದಿದೆ.ಅಡ್ಡಾ ದಿಡ್ಡಿ ಕಾರು​ ಚಾಲನೆ ಮಾಡುತ್ತಿದ್ದ  ಯುವತಿಯರನ್ನು ಕಂಡು ಜೆ.ಬಿ. ನಗರ ಪೊಲೀಸರೇ ದಂಗಾಗಿದ್ದು, 1 ಕಿ. ಮೀ ದೂರ ಚೇಸ್ ಮಾಡಿ ತಡೆದಿದ್ದಾರೆ.ನಗರದ ಲೀಲಾ ಪ್ಯಾಲೇಸ್ ಚೆಕ್ ಪೋಸ್ಟ್​​ ಬಳಿ ಪೊಲೀಸರು ಯುವತಿಯರನ್ನು ತಡೆದಿದ್ದಾರೆ.ಈ  ವೇಳೆ ಯುವತಿಯೋರ್ವಳು, ತಮ್ಮ ಬಳಿ ಪಾಸ್ ಇದೆ. ಅಲ್ಲದೇ, ತಮಗೆ  ಮೇಲಾಧಿಕಾರಿಗಳು  ಗೊತ್ತು ಎಂದು ಹೇಳುವ ಮೂಲಕ ಪೊಲೀಸ್ ಜೀಪ್ ಹತ್ತದೇ ವಾಗ್ವಾದ ಮಾಡಿ,  ಸಾಧ್ಯವಾದರೆ  ಹಿಡಿಯಿರಿ ಎಂದು  ಇನ್​ಸ್ಪೆಕ್ಟರ್ ಮೇಲೆಯೇ ಕಾರು ಹತ್ತಿಸಲು ಯತ್ನಿಸಿ  ಪರಾರಿಯಾಗಿದ್ದಾರೆ.ಕಾರಿನಲ್ಲಿ ಇಬ್ಬರೂ ಯುವತಿಯರಿದ್ದರು ಅವರು,ಮದ್ಯ ಸೇವನೆ ಮಾಡಿದ್ದರು ಎನ್ನಲಾಗಿದೆ.ಸದ್ಯ ಪೊಲೀಸರು ಯುವತಿಯರಿಗಾಗಿ ಬಲೆ ಬೀಸಿದ್ದಾರೆ.