ಬೆಂಗಳೂರು,  ಏ 20, ರಾಜ್ಯದಲ್ಲಿ ಆರೋಗ್ಯ  ಮಾರ್ಗ ಸೂಚಿ ಉಲ್ಲಂಘನೆ ಮಾಡುವವರ  ವಿರುದ್ದ ಕಠಿಣ , ಕಠೋರ ಕ್ರಮಕೈಗೊಳ್ಳುವಂತೆ ಗೃಹ ಸಚಿವ ಬಸವರಾಜ ಬೊಮ್ಮಾಯಿ ಪೊಲಿಸ್ ಅಧಿಕಾರಿಗಳಿಗೆ  ಖಡಕ್ ಎಚ್ಚರಿಕೆ ನೀಡಿದ್ದಾರೆ. ಪಾದರಾಯನಪುರ ಗಲಾಟೆ ಸಂಬಂಧಿಸಿದಂತೆ  ಇಲ್ಲಿವರರೆಗೆ  54 ಜನರನ್ನು ಬಂಧಿಸಲಾಗಿದೆ ಎಂದು ಹೇಳಿದರು. ಈಘಟನೆಬಗ್ಗೆ ಹಿರಿಯ ಅಧಿಕಾರಿ ನೇತೃತ್ವದಲ್ಲಿ ತನಿಖೆಗೆ ಆದೇಶ  ಮಾಡಲಾಗಿದೆ  ಹೇಳಿದರು. ಗಲಾಟೆ ನಡೆಯುವ ಸಾಧ್ಯತೆ ಇರುವ ಪ್ರದೇಶಗಳಲ್ಲಿ ಹೆಚ್ಚಿನ ಭದ್ರತೆ ಒದಗಿಸಬೇಕು, ಆಶಾ ಕಾರ್ಯಕರ್ತೆಯರು, ಬಿಬಿಎಂಪಿ ಅಧಿಕಾರಿಗಳಿಗೆ ಸೂಕ್ತ ಭದ್ರತೆ ಒದಗಿಸುವಂತೆ ಅವರು ಸೂಚನೆ ನೀಡಿದ್ದಾರೆ. ಇನ್ನು ಮುಂದೆ ಇಂತಹ ಕರ್ತವ್ಯ ಲೋಪವನ್ನು ಯಾವುದೆ ಕಾರಣಕ್ಕೂ  ಸಹಿವುದಿಲ್ಲ  ಎಂದು ಅವರು ಎಚ್ಚರಿಕೆ  ನೀಡಿದರು.

ಇನ್ನು ಇದೇ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಗೃಹ ಸಚಿವರು, ಘಟನೆ ಕುರಿತು ಸಿಎಂಗೆ ಮಾಹಿತಿ ಸಲ್ಲಿಸಲಾಗಿದೆ. ಘಟನೆಗೆ ಕಾರಣರಾದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಗಿದ್ದು ಇಲ್ಲಿವರರೆಗೆ  54 ಜನರನ್ನು ಬಂಧಿಸಲಾಗಿದೆ  ಎಂದು  ಅವರು ಹೇಳಿದರು ಗಲಾಟೆಗೆ ಕಾರಣರಾದವರ ಮೇಲೆ 5 ಪ್ರಕರಣ ದಾಖಲಿಸಲಾಗಿದೆ. ಪಾದರಾಯನಪುರದಲ್ಲಿ  ಕ್ವಾರೆಂಟೈನ್ ಆಗದೇ ಉಳಿದವರನ್ನು ಕ್ವಾರೆಂಟೈನ್ ಗೆ ಕಳುಹಿಸಲಾಗುತ್ತದೆ. ಸರ್ಕಾರವನ್ನು ದಾರಿ ತಪ್ಪಿಸಿ, ದೊಂಬಿ ಮಾಡಿ, ಅಲ್ಲಿ ಹಾಕಿದ್ದ ಶಾಮಿಯಾನ, ಶೀಟ್ ಗಳನ್ನು ಧ್ವಂಸಗೊಳಿಸಿರುವುದು ಸರಿಯಲ್ಲ.  ಒಂದು ವೇಳೆ, ಘಟನೆಗೆ ಪ್ರಚೋದನೆ ನೀಡಿದ್ದಲ್ಲಿ ಅಂತಹವರನ್ನು ಪತ್ತೆ ಹಚ್ಚಿ ಕಠಿಣ ಕ್ರಮ ಕೈಗೊಳ್ಳುತ್ತೇವೆ  ಎಂದು ಹೆಳಿದರು.  ಸ್ಥಳದಲ್ಲಿ ಹಾಜರಿದ್ದ ಹಾಜರಿದ್ದ ಡಿಸಿಪಿ  ಬಾನೋತ್ ಅವರಿಗೆ ಸಚಿವರು ಕ್ಲಾಸ್ ತೆಗೆದುಕೊಂಡು ಇನ್ನು ಮುಂದೆ ಇಂತಹ ಆಶಿಸ್ತಿನ ವರ್ತನೆ ಸಹಿಸುವುದಿಲ್ಲ ಎಚ್ಚರಿಕೆ  ನೀಡಿದರು.