ನವದೆಹಲಿ, ಆಗಸ್ಟ್ 26    ಐಎನ್ಎಕ್ಸ್ ಮೀಡಿಯಾ  ಪ್ರಕರಣದಲ್ಲಿ  ಜಾಮೀನು ನಿರಾಕರಿಸಿದ ದೆಹಲಿ ಹೈಕೋರ್ಟ್ ಆದೇಶ ಪ್ರಶ್ನಿಸಿ ಕಾಂಗ್ರೆಸ್ ಮುಖಂಡ,  ಮಾಜಿ ಕೇಂದ್ರ  ಸಚಿವ ಪಿ.ಚಿದಂಬರಂ ಸಲ್ಲಿಸಿದ್ದ ಮನವಿಯನ್ನು ಸುಪ್ರೀಂ ಕೋರ್ಟ್ ಸೋಮವಾರ ತಿರಸ್ಕರಿಸಿದೆ.  

ಹೀಗಾಗಿ  ಅವರಿಗೆ ಕಾನೂನು ಹೋರಾಟದಲ್ಲಿ ಮತ್ತೊಂದು ಹಿನ್ನಡೆಯಾಗಿದೆ.  ನ್ಯಾಯಮೂರ್ತಿ ಆರ್. ಬಾನುಮತಿ ನೇತೃತ್ವದ ಸುಪ್ರೀಂ ಕೋರ್ಟ್ನ ನ್ಯಾಯಪೀಠವು ಚಿದಂಬರಂ  ಅರ್ಜಿಯನ್ನು ವಜಾ ಮಾಡಿದೆ.  

ಪ್ರಕರಣದಲ್ಲಿ ಆರೋಪಿ,  ಚಿದಂಬರಂ ಸಲ್ಲಿಸಿದ್ದ ಅರ್ಜಿಯನ್ನು ವಜಾಗೊಳಿಸುವುದಾಗಿ  ನ್ಯಾಯಪೀಠ ಹೇಳಿದೆ. 

ಸೂಕ್ತ ಅಥವಾ ಸಂಬಂಧಪಟ್ಟ ನ್ಯಾಯಾಲಯದ ಮುಂದೆ  ಜಾಮೀನು ನೀಡುವಂತೆ ಅವರು ಮನವಿ ಮಾಡಿಕೊಳ್ಳಬೇಕು ಎಂದು ಉನ್ನತ ನ್ಯಾಯಾಲಯ ಹೇಳಿದೆ. ದೆಹಲಿ  ಹೈಕೋರ್ಟ್ ಅವರಿಗೆ ಜಾಮೀನು ನೀಡಲಲು ನಿರಾಕರಿಸಿತ್ತು .  

ಇದೆ  21 ರಂದು ಚಿದಂಬಂರಂ ಅವರನ್ನು ಸಿಬಿಐ ಅಧಿಕಾರಿಗಳು  ಬಂಧಿಸಿದ್ದು ಇಂದು ಅವರ ಕಸ್ಟಡಿ ಅವಧಿ ಕೊನೆಯಾಗಲಿದೆ.ಈ ಹಿನ್ನೆಲೆಯಲ್ಲಿ ಅವರು ಇನ್ನು ಕೆಲ ದಿನ ಅವರು ಸಿಬಿಐ  ಕಸ್ಟಡಿಯಲ್ಲಿ  ಕಳೆಯಬೇಕಿದೆ.