ನವದೆಹಲಿ, ಜ 21 :       ಈ  ವರ್ಷದ  ಗಣರಾಜ್ಯೋತ್ಸವದ ಮುಖ್ಯ ಅತಿಥಿಯಾಗಿರುವ ಬ್ರೆಜಿಲ್ ಅಧ್ಯಕ್ಷ ಜೈರ್ ಮೆಸ್ಸಿಯಾಸ್ ಬೋಲ್ಸೊನಾರೊ  ಇದೇ  24ರಂದು ಭಾರತಕ್ಕೆ  ಆಗಮಿಸಲಿದ್ದಾರೆ.

ಶುಕ್ರವಾರದಿಂದ ನಾಲ್ಕು ದಿನಗಳ ದೇಶ ಪ್ರವಾಸ ಪ್ರಾರಂಭವಾಗಲಿದೆ 

ಅಧಿಕಾರ ವಹಿಸಿಕೊಂಡ ನಂತರ ಇದು ಅವರ ಮೊದಲ ಭಾರತ ಭೇಟಿಯಾಗಿದೆ  ಬೋಲ್ಸನಾರೊ ಅವರೊಂದಿಗೆ 7 ಮಂತ್ರಿಗಳು, ಉನ್ನತ ಅಧಿಕಾರಿಗಳು ಮತ್ತು ದೊಡ್ಡ ವಾಣಿಜ್ಯ  ನಿಯೋಗವೂ  ಆಗಮಿಸಲಿದೆ. 

ಬ್ರೆಜಿಲ್ ಅಧ್ಯಕ್ಷ ಜೈರ್ ಮೆಸ್ಸಿಯಾಸ್ ಬೋಲ್ಸೊನಾರೊ ಅವರು ಇದೆ  24 ರಿಂದ 27 ರವರೆಗೆ ಪ್ರಧಾನಿ ನರೇಂದ್ರ ಮೋದಿಯವರ ಆಹ್ವಾನದ ಮೇರೆಗೆ ಭಾರತಕ್ಕೆ ಭೇಟಿ ನೀಡುತ್ತಿದ್ದಾರೆ .

 26 ರಂದು ನಡೆಯಲಿರುವ  71 ನೇ ಗಣರಾಜ್ಯೋತ್ಸವ ಪರೇಡ್ ನಲ್ಲಿ  ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ  ಎಂದು ವಿದೇಶಾಂಗ ವ್ಯವಹಾರಗಳ  ಸಚಿವಾಲಯ ತಿಳಿಸಿದೆ.