ಲಂಡನ್: ಇಂಗ್ಲೆಂಡ್ ವಿರುದ್ಧ ನಡೆದ ಮಹಿಳಾ ಹಾಕಿ ವಿಶ್ವಕಪ್ ನ ರೋಚಕ ಪಂದ್ಯದಲ್ಲಿ ಭಾರತ ಇಂಗ್ಲೆಂಡ್ ವಿರುದ್ಧ ಸಮಬಲ ಸಾಧಿಸಿದ್ದು 1-1 ಅಂತರದಿಂದ ಪಂದ್ಯವನ್ನು ಡ್ರಾ ಮಾಡಿಕೊಂಡಿದೆ. 

25 ನೇ ನಿಮಿಷದಲ್ಲಿ ನೇಹಾ ಗೋಯಲ್ ಭಾರತದ ಪರ ಗೊಲ್ ದಾಖಲಿಸಿ ಮುನ್ನಡೆ ಕಾಯ್ದುಕೊಳ್ಳಲು ನೆರವಾದರು. ಈ ಬಳಿಕ ಇಗ್ಲೆಂಡ್ ನ ಲಿಲ್ಲಿ ಓವ್ಸ್ಲೇ 54 ನೇ ನಿಮಿಷದಲ್ಲಿ ಭಾರತದ ವಿರುದ್ಧ ಗೋಲ್ ದಾಖಲಿಸಿ ಪಂದ್ಯದಲ್ಲಿ ಸಮಬಲ ಸಾಧಿಸಿದೆ. 

ಆತಿಥೇಯ ತಂಡಕ್ಕೆ 5 ಪೆನಾಲ್ಟಿ ಕಾರ್ನರ್ ಗಳು ಲಭ್ಯವಾಗಿತ್ತಾದರೂ ಅದನ್ನು ಬಳಸಿಕೊಳ್ಳುವುದಕ್ಕೆ ವಿಫಲವಾಯಿತು. ಇದೇ ವೇಳೆ ಭಾರತದ ಗೋಲ್ ಕೀಪರ್ ಸಹ ಪರಿಣಾಮಕಾರಿಯಾಗಿದ್ದರಿಂದ ಇಂಗ್ಲೆಂಡ್ ತಂಡ ಹೆಚ್ಚಿನ ಗೋಲ್ ಹೊಡೆಯುವುದಕ್ಕೆ ಸಾಧ್ಯವಾಗದೇ ಭಾರತದೊಂದಿಗೆ ಪಂದ್ಯವನ್ನು ಡ್ರಾ ಮಾಡಿಕೊಂಡಿತು.