ಬೆಂಗಳೂರು, ಏ ೬, ಕನ್ನಡ  ಚಿತ್ರರಂಗದ  ಖ್ಯಾತ ಹಾಸ್ಯ ನಟ ಬುಲೆಟ್  ಪ್ರಕಾಶ್(೪೪)  ಅನಾರೋಗ್ಯದಿಂದಾಗಿ  ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಸೋಮವಾರ  ನಿಧನ ಹೊಂದಿದ್ದಾರೆ.
ಮೂತ್ರ ಪಿಂಡ  ವೈಫಲ್ಯದಿಂದ ಬಳಲುತ್ತಿದ್ದ   ಅವರನ್ನು ಡಯಾಲಿಸ್  ಒಳಪಡಿಸಲಾಗಿತ್ತು.  ಆದರೆ ಅವರ  ಆರೋಗ್ಯ ತೀರಾ ಹದಗೆಟ್ಟ ಹಿನ್ನೆಲೆಯಲ್ಲಿ ವೆಂಟಿಲೇಟರ್ ನಲ್ಲಿಸಿ  ಚಿಕಿತ್ಸೆ ಕಲ್ಪಿಸಲಾಗುತ್ತಿತ್ತು. ಆದರೆ  ಚಿಕಿತ್ಸೆ ವಿಫಲಗೊಂಡು  ಸೋಮವಾರ  ಕೊನೆಯುಸಿರುಎಳೆದಿದ್ದಾರೆ  ಚಿತ್ರರಂಗದ ಮೂಲಗಳು ಹೇಳಿವೆ.  ೩೦೦ಕ್ಕೂ ಹೆಚ್ಚು  ಚಿತ್ರಗಳಲ್ಲಿ  ನಟಿಸಿದ್ದ   ಬುಲೆಟ್  ಪ್ರಕಾಶ್    ಹಾಸ್ಯ ಪಾತ್ರಗಳ ಮೂಲಕ  ಕನ್ನಡ ಜನರ  ಮನ ಸೂರೆಗೊಂಡಿದ್ದರು. ೨೦೧೫ ರಲ್ಲಿ,  ಬುಲೆಟ್  ಪ್ರಕಾಶ್  ಬಿಜೆಪಿ  ಪಕ್ಷ   ಸೇರ್ಪಡೆಗೊಂಡು  ರಾಜಕೀಯ ರಂಗಕ್ಕೂ ಬಂದಿದ್ದರು.