ವಾಷಿಂಗ್ಟನ್‍, ಫೆ 05 ,ಮಧ್ಯಪ್ರಾಚ್ಯದ ಅಮೆರಿಕದ ಉನ್ನತ ಕಮಾಂಡರ್ ಜನರಲ್ ಕೆನ್ನೆತ್ ಮೆಕೆಂಜಿ ಮಂಗಳವಾರ ಇರಾಕ್ ಗೆ ಭೇಟಿ ನೀಡಿದ್ದು, ದೇಶದ ಜಂಟಿ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆಯ ಭವಿಷ್ಯದ ಬಗ್ಗೆ ಹಿರಿಯ ನಾಯಕರೊಂದಿಗೆ ಮಾತುಕತೆ ನಡೆಸಿದ್ದಾರೆ ಎಂದು ಇರಾಕಿ ಅಧಿಕಾರಿಗಳು ಪ್ರತ್ಯೇಕ ಹೇಳಿಕೆಗಳಲ್ಲಿ ತಿಳಿಸಿದ್ದಾರೆ.

 "ಪ್ರಧಾನಿ ಅಡೆಲ್ ಅಬ್ದುಲ್-ಮಹ್ದಿ ಇಂದು ಜನರಲ್ ಕೆನ್ನೆತ್ ಮೆಕೆಂಜಿಯನ್ನು ಬರಮಾಡಿಕೊಂಡರು” ಎಂದು ಪ್ರಧಾನಿ ಕಚೇರಿ ಶುಕ್ರವಾರ ಹೇಳಿಕೆಯಲ್ಲಿ ತಿಳಿಸಿದೆ. "ಉಭಯ ದೇಶಗಳ ನಡುವಿನ ಸ್ನೇಹ ಸಂಬಂಧದ ಮಹತ್ವ ಮತ್ತು ಭಯೋತ್ಪಾದನೆ ವಿರುದ್ಧ ಹೋರಾಡುವ ಕ್ಷೇತ್ರದಲ್ಲಿ ಸಹಕಾರ ಹಾಗೂ ಯಾವುದೇ ಪಕ್ಷವು ಸಂಘರ್ಷ ಮತ್ತು ಆಕ್ರಮಣಶೀಲತೆಗೆ ಇರಾಕ್ ಅನ್ನು ತಡೆಯುವ ಉತ್ಸಾಹವನ್ನು ಪ್ರಧಾನಿ ಒತ್ತಿಹೇಳಿದರು,  ಸುರಕ್ಷತೆ ಮತ್ತು ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಮತ್ತು ಇರಾಕ್ ಮತ್ತು ಅದರ ಜನರ ನವೀಕರಿಸಿದ ಅವಶ್ಯಕತೆಗಳು ಮತ್ತು ಅಗತ್ಯಗಳನ್ನು ಪೂರೈಸುವ ಸಲುವಾಗಿ ವಿದೇಶಿ ಪಡೆಗಳನ್ನು ಹಿಂತೆಗೆದುಕೊಳ್ಳುವ ಸಂಸತ್ತಿನ ನಿರ್ಧಾರವನ್ನು ಸೂಚಿಸಿದರು”ಎಂದು ವಿವರಿಸಿದೆ.

 ಅಮೆರಿಕದ ಕೇಂದ್ರ ಕಮಾಂಡ್ ಮುಖ್ಯಸ್ಥರಾಗಿರುವ ಮೆಕೆಂಜಿ, ಜಂಟಿ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆಯನ್ನು ಮುಂದುವರೆಸಲು ತಮ್ಮ ದೇಶದ ಉತ್ಸುಕವಾಗಿದೆ  ಇರಾಕ್ ನ  ಭದ್ರತೆ ಮತ್ತು ಸ್ಥಿರತೆಯನ್ನು ಹೆಚ್ಚಿಸಲು ಇರಾಕಿ ಪಡೆಗಳಿಗೆ ನೀಡುತ್ತಿರುವ ತರಬೇತಿಯನ್ನ ಮುಂದುವರಿಸುವ ಭರವಸೆ ನೀಡಿದ್ದಾರೆ”ಎಂದು ಹೇಳಿಕೆಯಲ್ಲಿ ಸೇರಿಸಲಾಗಿದೆ. ನವರಿ ಆರಂಭದಲ್ಲಿ ಇರಾಕ್‌ನಲ್ಲಿ ಅಮೆರಿಕ ಸೇನಾಪಡೆ ಇರಾನ್‌ನ ಉನ್ನತ ಜನರಲ್ ಕಾಸೆಮ್ ಸೊಲೈಮಾನಿಯನ್ನು ಹತ್ಯೆ ಮಾಡಿದ ನಂತರ, ಅಮೆರಿಕ ನೇತೃತ್ವದ ಒಕ್ಕೂಟವು ತನ್ನ ತರಬೇತಿ ಕಾರ್ಯಾಚರಣೆಯನ್ನು ನಿಲ್ಲಿಸಿತ್ತು. ಆದಾಗ್ಯೂ, ಕಳೆದ ವಾರ, ಇರಾಕಿ ಮಿಲಿಟರಿ, ಅಮೆರಿಕ ಒಕ್ಕೂಟದೊಂದಿಗೆ ಜಂಟಿ ಐಎಸ್ ವಿರೋಧಿ ಕಾರ್ಯಾಚರಣೆಯನ್ನು ಪುನರಾರಂಭಿಸಿದ್ದಾರೆ ಮತ್ತು ಹೊಸ ಸಹಕಾರ ಒಪ್ಪಂದ ಏರ್ಪಡುವವರೆಗೂ ಮುಂದುವರಿಸುವುದಾಗಿ ಘೋಷಿಸಿದ್ದಾರೆ.