ಪಾಟ್ನಾ, ಜ ೨೨ :     ರಾತ್ರಿ ವೇಳೆ  ರೈಲಿನಲ್ಲಿ  ಒಂಟಿಯಾಗಿ ಪ್ರಯಾಣಿಸುತ್ತಿದ್ದ  ಹೆಚ್ ಐ ವಿ ಬಾಧಿತೆ ಮಹಿಳೆ(೨೨)ಯ  ಮೇಲೆ ಇಬ್ಬರು ಯುವಕರು ಅತ್ಯಾಚಾರ ನಡೆಸಿರುವ ಧಾರುಣ ಘಟನೆ    ಬಿಹಾರ  ರಾಜ್ಯದ ಕೈಮೂರ್ ಜಿಲ್ಲೆಯ ಬಭುವಾದ  ಬಳಿ ರೈಲಿನಲ್ಲಿ ನಡೆದಿದೆ.

ಪಾಟ್ನಾ- ಬಭುವಾ  ಇಂಟರ್‌ಸಿಟಿ ಎಕ್ಸ್‌ಪ್ರೆಸ್‌ನಲ್ಲಿ ರಾತ್ರಿ  ಒಂಟಿಯಾಗಿ ೨೨ ವರ್ಷದ ಎಚ್‌ಐವಿ ಸೋಂಕಿತ ಮಹಿಳೆ  ಪ್ರಯಾಣಿಸುತ್ತಿದ್ದಳು.  ಮಾರ್ಗ ಮಧ್ಯೆ  ರೈಲು  ಹತ್ತಿದ  ಚೈತ್ಯ ಗ್ರಾಮದ ಬೀರೇಂದ್ರಪ್ರಕಾಶ್ ಸಿಂಗ್ (೨೬) ಮತ್ತು ದೀಪಕ್ ಸಿಂಗ್   ಎಂಬ  ಯುವಕರು   ಒಂಟಿಯಾಗಿ  ಪ್ರಯಾಣಿಸುತ್ತಿದ್ದ   ಮಹಿಳೆಯನ್ನು ಗಮನಿಸಿದರು.

ಈ ಪೈಕಿ  ಒಬ್ಬ   ಆಕೆಯ  ಮೇಲೆ  ಒಬ್ಬ  ಅತ್ಯಾಚಾರ ನಡೆಸಿದ್ದು,  ಮತ್ತೊಬ್ಬ ಯುವಕ  ಮೊಬೈಲ್ ನಲ್ಲಿ   ಚಿತ್ರೀಕರಿಸಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.  ಅತ್ಯಾಚಾರ ಪ್ರಕರಣದಲ್ಲಿ   ಪೊಲೀಸರು  ಇಬ್ಬರು ಯುವಕರನ್ನು ಬಂಧಿಸಿ  ನ್ಯಾಯಾಲಯದ ಮುಂದೆ ಹಾಜರಿಪಡಿಸಿ  ಜೈಲಿಗೆ ಕಳುಹಿಸಲಾಗಿದೆ ಎಂದು ರೈಲ್ವೆ ಪೊಲೀಸ್ ಎಸ್ ಐ ಲಾಲುಸಿಂಗ್ ಹೇಳಿದ್ದಾರೆ.

ಅತ್ಯಾಚಾರಕ್ಕೊಳಗಾದ  ಸಂತ್ರಸ್ಥೆಯನ್ನು  ಬಭುವ ಸದರ್ ಆಸ್ಪತ್ರೆಗೆ  ದಾಖಲಿಸಿ, ವೈದ್ಯಕೀಯ ಪರೀಕ್ಷೆಗೆ  ಒಳಪಡಿಸಲಾಗಿದೆ.  ಹೆಚ್ ಐ ವಿ  ಪೀಡಿತ ಮಹಿಳೆಯ  ಪತಿ ಏಡ್ಸ್ ನಿಂದ  ಸಾವನ್ನಪ್ಪಿದ್ದು,    ಆಕೆ  ಚಿಕಿತ್ಸೆಗಾಗಿ ಪಾಟ್ನಾಕ್ಕೆ ತೆರಳುತ್ತಿದ್ದಳು  ಎಂದು ರೈಲ್ವೆ ಪೊಲೀಸರು ತಿಳಿಸಿದ್ದಾರೆ.