ನವದೆಹಲಿ, ಮೇ ೨೧,  ಸರ್ಕಾರಿ   ಕಚೇರಿಗಳಿಗೆ  ಕೆಲಸಕ್ಕೆ  ಹಾಜರಾಗುವುದರಿಂದ  ಗರ್ಭಿಣಿ ಮಹಿಳಾ ಅಧಿಕಾರಿಗಳು ಹಾಗೂ  ಸಿಬ್ಬಂದಿಗಳಿಗೆ  ಕೇಂದ್ರ ಸಿಬ್ಬಂದಿ ಹಾಗೂ ತರಬೇತಿ ಇಲಾಖೆ ವಿನಾಯಿತಿ  ಕಲ್ಪಿಸಿದೆ. ಈ ಸಂಬಂಧ  ಸುತ್ತೋಲೆ ಹೊರಡಿಸಲಾಗಿದ್ದು, ಈ ಸುತ್ತೊಲೆಯನ್ನು ವಿವಿಧ ಸಚಿವಾಲಯಗಳು, ಇಲಾಖೆಗಳು ಹಾಗೂ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಅನುಸರಿಸುವ ನಿರೀಕ್ಷೆಯಿದೆ ಎಂದು  ಪ್ರಧಾನ ಮಂತ್ರಿ ಕಾರ್ಯಾಲಯದ ರಾಜ್ಯಸಚಿವ  ಡಾ. ಜಿತೇಂದ್ರ ಪ್ರಸಾದ್ ಹೇಳಿದ್ದಾರೆ.
ಪ್ರಸವ ರಜೆ ಪಡೆಯದ ಗರ್ಭಿಣಿ ಮಹಿಳಾ ಉದ್ಯೋಗಿಗಳು ಸಹ  ಕಚೇರಿಗೆ  ಹಾಜರಾಗುವುದರಿಂದ ವಿನಾಯಿತಿ ಕಲ್ಪಿಸಲಾಗಿದೆ. ವಿಕಲ ಚೇತನ  ಸಿಬ್ಬಂದಿಗಳಿಗೂ  ಇದೇ ರೀತಿ ಕಚೇರಿಗಳಿಗೆ ಹಾಜರಾಗುವುದರಿಂದ ವಿನಾಯಿತಿ ಕಲ್ಪಿಸಲಾಗಿದೆ.ಸಿಬ್ಬಂದಿ ಕಚೇರಿಗೆ  ತೆರಳುವ  ವೇಳೆ  ಅನಗತ್ಯ ದಟ್ಟಣೆ ತಪ್ಪಿಸಲು   ಬೆಳಗ್ಗೆ ೯ ಗಂಟೆಯಿಂದ ಸಂಜೆ ೫ ಗಂಟೆಯವರೆಗೆ,  ಬೆಳಗ್ಗೆ ೯.೩೦ರಿಂದ ಸಂಜೆ ೬ಗಂಟೆವರೆಗೆ ಹಾಗೂ ಬೆಳಗ್ಗೆ ೧೦ಗಂಟೆಯಿಂದ ಸಂಜೆ ೬.೩೦ರವರೆಗೆ  ಯಾವುದಾದರೂ ಒಂದು ಕಚೇರಿ ಸಮಯ ಅಳವಳಿಸಿಕೊಳ್ಳುವಂತೆ ಎಲ್ಲ ಇಲಾಖೆಗಳ ಮುಖ್ಯಸ್ಥರಿಗೆ  ಸಲಹೆ ನೀಡಲಾಗಿದೆ ಎಂದು  ಸಚಿವ ಡಾ. ಸಿಂಗ್ ಹೇಳಿದ್ದಾರೆ.