ಬೆಂಗಳೂರು, ಮೇ 11,ಅನಾರೋಗ್ಯದಿಂದ  ಆಸ್ಪತ್ರೆಗೆ ದಾಖಲಾಗಿರುವ  ಮಾಜಿ ಪ್ರಧಾನಿ ಹಾಗೂ ಕಾಂಗ್ರೆಸ್ ನಾಯಕ ಮನಮೋಹನ್ ಸಿಂಗ್  ಶೀಘ್ರ ಗುಣಮುಖರಾಗಲೆಂದು ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡ ಸೇರಿದಂತೆ ಹಲವು ಗಣ್ಯರು  ಪ್ರಾರ್ಥಿಸಿದ್ದಾರೆ.ಮಾಜಿ ಪ್ರಧಾನಿ ಡಾ.ಮನ್ ಮೋಹನ್ ಸಿಂಗ್ ಆದಷ್ಟು ಬೇಗ  ಚೇತರಿಸಿಕೊಳ್ಳಲಿ. ದೇಶದಲ್ಲಿ ಇಂತಹ ಬಿಕ್ಕಟ್ಟಿನ ಸಮಯದಲ್ಲಿ ಇಂತಹ ಹಿರಿಯ ನಾಯಕನ  ಮಾರ್ಗದರ್ಶನ ಅತ್ಯವಶ್ಯಕ’ ಎಂದು ಹೆಚ್.ಡಿ.ದೇವೇಗೌಡ ಟ್ವೀಟ್ ಮಾಡಿದ್ದಾರೆ.ಕೆಪಿಸಿಸಿ  ಅಧ್ಯಕ್ಷ ಡಿ.ಕೆ.ಶಿವಕುಮಾರ್  ಟ್ವೀಟ್ ಮೂಲಕ ಮನ್ ಮೋಹನ್ ಸಿಂಗ್ ಶೀಘ್ರವೇ  ಚೇತರಿಸಿಕೊಳ್ಳಲಿ. ದೇಶದ ಬಿಲಿಯನ್ ಗಿಂತ ಹೆಚ್ಚು ನಾಗರಿಕರು ಮನ್ ಮೋಹನ್ ಸಿಂಗ್ ಅವರು  ಶೀಘ್ರವೇ ಗುಣಮುಖರಾಗಲೆಂದು ಪ್ರಾರ್ಥನೆ ಸಲ್ಲಿಸುತ್ತಿದ್ದಾರೆಂದು ಹೇಳಿದ್ದಾರೆ.