ನವದೆಹಲಿ, ಡಿ 17 :       ಪೌರತ್ವ ತಿದ್ದುಪಡಿ ಕಾಯ್ದೆ  ವಿರೋಧಿಸಿ  ದೆಹಲಿಯ ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು   ಭಾನುವಾರ  ನಡೆಸಿದ ಹಿಂಸಾತ್ಮಾಕ ಪ್ರತಿಭಟನೆಯ ವೇಳೆ  ದೆಹಲಿ ಪೊಲೀಸರು  ಗುಂಡು ಹಾರಿಸಿಲ್ಲ  ಎಂದು ಕೇಂದ್ರ ಗೃಹ ಸಚಿವಾಲಯದ ಅಧಿಕಾರಿಗಳು  ಸ್ಪಷ್ಟಪಡಿಸಿದ್ದಾರೆ.ಪ್ರತಿಭಟನೆ ಸಂಬಂಧ  ಕ್ರಿಮಿನಲ್  ಹಿನ್ನಲೆಯ ಹತ್ತು ಮಂದಿಯನ್ನು  ವಶಕ್ಕೆ ಪಡೆದುಕೊಳ್ಳಲಾಗಿದೆ, ಮತ್ತಷ್ಟು  ಸಮಾಜ ವಿರೋಧಿ ಶಕ್ತಿಗಳ ಮೇಲೆ ನಿಗಾ ವಹಿಸಿದ್ದೂ  ಇನ್ನೂ  ಹಲವರನ್ನು ವಶಕ್ಕೆ ಪಡೆದುಕೊಳ್ಳಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಜಾಮಿಯಾ ಮಿಲಿಯಾ ಇಸ್ಲಾಮಿಯಾ  ವಿವಿಯ  ವಿದ್ಯಾರ್ಥಿಗಳ  ಪ್ರತಿಭಟನೆಯ ವೇಳೆ   ಅವರ ಮೇಲೆ ದೆಹಲಿ ಪೊಲೀಸರು  ಗುಂಡು ಹಾರಿಸಿಲ್ಲ  ಎಂದು   ದೆಹಲಿ ಪೊಲೀಸರ ವರದಿ ಉಲ್ಲೇಖಿಸಿ    ಗೃಹ ಸಚಿವಾಲಯದ ಅಧಿಕಾರಿಗಳು ಸ್ಪಷ್ಟಪಡಿಸಿದರು.