ಯರಗಟ್ಟಿ  15 : ತಾಲೂಕಿನ ಸೋಮಾಪುರ ಗ್ರಾಮದ ಜನತೆಯ ಬಹುದಿನಗಳ ಬೇಡಿಕೆಯಾಗಿದ್ದ ರಸ್ತೆ ನಿರ್ಮಾಣ ಕಾಮಗಾರಿಗೆ ರವಿವಾರ ಶಾಸಕ ವಿಶ್ವಾಸ ವೈದ್ಯ ಭೂಮಿ ಪೂಜೆ ನೆರವೇರಿಸಿ ಚಾಲನೆ ನೀಡಿದರು.ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದ ಶಾಸಕ ವಿಶ್ವಾಸ ವೈದ್ಯ ಅವರು ?ಸನ್ 2025-26ನೇ ಸಾಲಿನ ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ (5054 ಯೋಜನೆಯಡಿ), ಯರಗಟ್ಟಿ ತಾಲೂಕಿನ ತಲ್ಲೂರ-ಸೋಮಾಪುರ ಮುಖ್ಯ ರಸ್ತೆಯಿಂದ ರಾಜಪ್ಪಜ್ಜನ ದೇವಸ್ಥಾನದವರೆಗೆ ನಿರ್ಮಾಣವಾಗಲಿದೆ ಅಂದಾಜು ವೆಚ್ಚ: ?25 ಲಕ್ಷ ರೂಪಾಯಿಗಳು ಸಿ.ಸಿ ರಸ್ತೆ ಕಾಮಗಾರಿಯ ಚಾಲನೆ ನೀಡಲಾಗಿದೆ.

ಈ ರಸ್ತೆ ನಿರ್ಮಾಣದಿಂದ ದೇವಸ್ಥಾನಕ್ಕೆ ಬರುವ ಭಕ್ತಾದಿಗಳಿಗೆ ಹಾಗೂ ಸ್ಥಳೀಯ ಗ್ರಾಮಸ್ಥರಿಗೆ ಸುಗಮ ಸಂಚಾರಕ್ಕೆ ಹೆಚ್ಚಿನ ಅನುಕೂಲವಾಗಲಿದೆ. ಗುಣಮಟ್ಟದ ಕಾಮಗಾರಿಯನ್ನು ನಿಗದಿತ ಅವಧಿಯೊಳಗೆ ಪೂರ್ಣಗೊಳಿಸಿ ಸಾರ್ವಜನಿಕರ ಬಳಕೆಗೆ ಮುಕ್ತಗೊಳಿಸಲು ಅಧಿಕಾರಿಗಳಿಗೆ ಸೂಚಿಸಿದರು.?ಕ್ಷೇತ್ರದ ಪ್ರತಿಯೊಂದು ಗ್ರಾಮಕ್ಕೂ ಮೂಲಭೂತ ಸೌಕರ್ಯಗಳನ್ನು ಒದಗಿಸಿ, ಸುಸಜ್ಜಿತ ರಸ್ತೆಗಳ ನಿರ್ಮಾಣ ಮಾಡುವುದು ನಮ್ಮ ಆದ್ಯತೆ ನೀಡಲಾಗುವುದು ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯತ ರಾಜ್ ಇಲಾಖೆ ಎಇಇ ಎಚ್‌. ಎ. ಕದ್ರಾಪೂರಕರ, ಎಪಿಎಂಸಿ ಅಧ್ಯಕ್ಷ ನೀಲಕಂಠ ಶೀದಬಸನ್ನವರ, ಫಕೀರ​‍್ಪ ಗೋಟಿ, ಭೀಮಶಿ ಗೋಟಿ, ಪ್ರಕಾಶ ಮುರಗೋಡ, ರಮೇಶ ಹಮ್ಮಿನಿ, ಸಹದೇವ ನಾಯ್ಕರ, ಸಿದ್ದಾರ್ಥ ಗೋಟಿ, ಶಶಿಧರ ತಳವಾರ, ಮಹಾಂತೇಶ ಶೀಲವಂತರ, ಅದೃಶ್ಯ ಶೀಲವಂತರ, ರಾಘವೇಂದ್ರ ಗಿಡ್ಡಮಲ್ಲಪ್ಪಗೋಳ,ಸಿ. ಬಿ ಬಾಳಿ, ಡಿ. ಡಿ. ಕಿನ್ನರಿ, ಪ್ರಕಾಶ ಸುಣ್ಣದೋಳಿ, ಪ್ರಸಾದ ವೀರ​‍್ಪನ್ನವರಮಠ, ಬಸವರಾಜ್ ಕಂಬಾರ ಸೇರಿದಂತೆ ಗ್ರಾಮದ ಹಿರಿಯರು, ಸ್ಥಳೀಯ ಮುಖಂಡರು, ಇಲಾಖೆಯ ಅಧಿಕಾರಿಗಳು ಹಾಗೂ ಪಕ್ಷದ ಕಾರ್ಯಕರ್ತರು ಉಪಸ್ಥಿತರಿದ್ದರು.