ರಾಯಬಾಗ 06: ಸಾರ್ವಜನಿಕ ಆಸ್ತಿ ಮತ್ತು ನಮ್ಮ ರಕ್ಷಣೆಗಾಗಿ ದಿನದ 24 ಗಂಟೆಗಳ ಕಾಲ ಕರ್ತವ್ಯ ನಿರ್ವಹಿಸುವ ಪೊಲೀಸರಿಗೆ ಠಾಣೆಯ ಆವರಣದಲ್ಲಿ ವಸತಿಗೃಹಗಳನ್ನು ನಿರ್ಮಿಸಲಾಗುತ್ತಿದೆ ಎಂದು ಶಾಸಕ ಡಿ.ಎಮ್‌.ಐಹೊಳೆ ಹೇಳಿದರು.ಶುಕ್ರವಾರ ಪಟ್ಟಣದ ಪೊಲೀಸ ಠಾಣೆ ಆವರಣದಲ್ಲಿ ಕರ್ನಾಟಕ ರಾಜ್ಯ ಪೊಲೀಸ ವಸತಿ ಮತ್ತು ಮೂಲಭೂತ ಸೌಲಭ್ಯ ಅಭಿವೃದ್ಧಿ ನಿಗಮದಿಂದ ಪೊಲೀಸ ಗೃಹ ಯೋಜನೆಯಡಿ ಮಂಜೂರಾದ 2 ಕೋಟಿ 70 ಲಕ್ಷ ರೂ. ವೆಚ್ಚದಲ್ಲಿ 12 ಪಿ.ಸಿ. (ಪೊಲೀಸ ಕಾನ್ಸ್ಟೇಬಲ)  ವಸತಿ ಗೃಹ ನಿರ್ಮಾಣ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿ ಶಾಸಕರು ಮಾತನಾಡಿದರು.

ಅಥಣಿ ಡಿ.ವೈ.ಎಸ್‌.ಪಿ ಪ್ರಶಾಂತ ಮುನ್ನೊಳ್ಳಿ ಮಾತನಾಡಿ, ಸಮಾಜದಲ್ಲಿ ಶಾಂತಿ ಮತ್ತು ಸಾಮರಸ್ಯ ಕಾಪಾಡಲು ಪೊಲೀಸರ ಮೇಲೆ ಹೆಚ್ಚಿನ ಜವಾಬ್ದಾರಿ ಇದೆ. ಸಾರ್ವಜನಿಕರು ಪೊಲೀಸರೊಂದಿಗೆ ಕೈಜೋಡಿಸಿದರೆ, ಕಾನೂನು ಬಾಹಿರ ಚಟುವಟಿಕೆ ನಡೆಸುವ ದುಷ್ಟ ಶಕ್ತಿಗಳನ್ನು ಯಶಸ್ಸಿಯಾಗಿ ಮಟ್ಟ ಹಾಕಲು ಸಾಧ್ಯ.  ಪೊಲೀಸ ಠಾಣೆ ಆವರಣದಲ್ಲಿ ವಸತಿಗೃಹ ನಿರ್ಮಾಣದಿಂದ ಪೊಲೀಸ ಅಧಿಕಾರಗಳಿಗೆ ಮತ್ತು ಸಿಬ್ಬಂದಿಗೆ ತುಂಬ ಅನುಕೂಲವಾಗಲಿದೆ ಎಂದರು.  ಸಿಪಿಐ ಎಮ್‌.ಎಮ್‌. ಡಪ್ಪಿನ, ಎಇಇ ವೀರಭದ್ರಯ್ಯ, ಸದಾಶಿವ ಘೋರೆ​‍್ಡ, ಸುಧಾಕರ ರೆಡ್ಡಿ, ನಿಂಗಯ್ಯಾ ಹಿರೇಮಠ, ಪೊಲೀಸ ಸಿಬ್ಬಂದಿಗಳಾದ ರವಿ ಭಜಂತ್ರಿ, ರಾಮು ಘಸ್ತಿ, ಕೆಂಪಣ್ಣ ಡಬಾಜ, ಎಸ್‌.ಬಿ.ಸೈದಾಪುರ, ರಾಜು ಪಿಂಜಾರ, ಸಂತೋಷ ದೊಡಮನಿ ಇತರರು ಇದ್ದರು.