ವಿಜಯವಾಡ, ಮೇ 8,ಆಂಧ್ರಪ್ರದೇಶದಲ್ಲಿ ಕೊರೊನಾವೈರಸ್ ಸಾಂಕ್ರಾಮಿಕ ರೋಗವು ವೇಗವಾಗಿ ಹರಡುತ್ತಿದ್ದು, ರಾಜ್ಯದಲ್ಲಿ ಮತ್ತೆ ಮೂರು ಸಾವಿನೊಂದಿಗೆ ಒಟ್ಟು ಸಾವಿನ ಸಂಖ್ಯೆ 41 ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಗಳಲ್ಲಿ 54 ಹೊಸ ಪಾಸಿಟಿವ್‌ ಪ್ರಕರಣಗಳು ವರದಿಯಾಗಿವೆ.ಗುರುವಾರ ರಾತ್ರಿ 9 ರಿಂದ ಇಂದು ಬೆಳಿಗ್ಗೆ 9 ರವರೆಗೆ ಹೊಸ ಪ್ರಕರಣಗಳು ವರದಿಯಾಗಿವೆ. ಒಟ್ಟು ಪ್ರಕರಣಗಳ ಸಂಖ್ಯೆ 1,887 ಕ್ಕೆ ತಲುಪಿದೆ ಎಂದು ಶುಕ್ರವಾರ ಆರೋಗ್ಯ ಬುಲೆಟಿನ್ ತಿಳಿಸಿದೆ.ಕಳೆದ ಮೂರು ದಿನಗಳಿಂದ ಕೊರೊನಾವೈರಸ್ ಸಾವುಗಳು ಸಂಭವಿಸುತ್ತಿರುವುದು ಅಧಿಕಾರಿಗಳಿಗೆ ಆತಂಕವನ್ನುಂಟುಮಾಡಿದೆ.ಕರ್ನೂಲ್ ಜಿಲ್ಲೆಯಲ್ಲಿ ಇಬ್ಬರು ಮತ್ತು ವಿಶಾಖಪಟ್ಟಣಂ ಜಿಲ್ಲೆಯಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ.54 ಹೊಸ ಪಾಸಿಟಿವ್‌ ಪ್ರಕರಣಗಳ ಪೈಕಿ, 16 ಅನಂತಪುರ ಜಿಲ್ಲೆಯಲ್ಲಿ, 11 ವಿಶಾಖಪಟ್ಟಣಂ  ಜಿಲ್ಲೆಯಲ್ಲಿ, ಪಶ್ಚಿಮ ಗೋದಾವರಿ ಜಿಲ್ಲೆಯಲ್ಲಿ 9, ಕರ್ಣೂಲ್ ಜಿಲ್ಲೆಯಲ್ಲಿ 7, ಕೃಷ್ಣ  ಜಿಲ್ಲೆಯಲ್ಲಿ 6, ಚಿತ್ತೂರು ಜಿಲ್ಲೆಯಲ್ಲಿ 3, ಗುಂಟೂರು ಮತ್ತು ವಿಜಯನಗರಂ  ಜಿಲ್ಲೆಗಳಲ್ಲಿ ತಲಾ ಒಂದು ಪ್ರಕರಣಗಳು ವರದಿಯಾಗಿವೆ.
ಒಟ್ಟು 41  ಸಾವುಗಳ ಪೈಕಿ 14 ಕರ್ನೂಲ್ ಜಿಲ್ಲೆಯಲ್ಲಿ, ಕೃಷ್ಣ ಜಿಲ್ಲೆಯಲ್ಲಿ 11, ಗುಂಟೂರು  ಜಿಲ್ಲೆಯಲ್ಲಿ 8, ಅನಂತಪುರ ಜಿಲ್ಲೆಯಲ್ಲಿ 4, ನೆಲ್ಲೂರು ಜಿಲ್ಲೆಯಲ್ಲಿ ಮೂರು ಮತ್ತು  ವಿಶಾಖಪಟ್ಟಣಂನಲ್ಲಿ ಒಬ್ಬರು ಸಾವನ್ನಪ್ಪಿದ್ದಾರೆ.ಒಟ್ಟು 1887 ಪಾಸಿಟಿವ್‌ ಪ್ರಕರಣಗಳ ಪೈಕಿ, ಕರ್ನೂಲ್ ಜಿಲ್ಲೆಯಲ್ಲಿ 547, ಗುಂಟೂರು ಜಿಲ್ಲೆಯಲ್ಲಿ  374, ಕೃಷ್ಣ ಜಿಲ್ಲೆಯಲ್ಲಿ 322, ಅನಂತಪುರ ಜಿಲ್ಲೆಯಲ್ಲಿ 99, ನೆಲ್ಲೂರು ಮತ್ತು ಕಡಪ  ಜಿಲ್ಲೆಗಳಲ್ಲಿ ತಲಾ 96, ಚಿತ್ತೂರು ಜಿಲ್ಲೆಯಲ್ಲಿ 85, ಪಶ್ಚಿಮದಲ್ಲಿ ಗೋದಾವರಿ ಜಿಲ್ಲೆಯಲ್ಲಿ 68 ಪ್ರಕರಣಗಳು  ವರದಿಯಾಗಿವೆ.  ಪ್ರಕಾಶಂ ಜಿಲ್ಲೆಯಲ್ಲಿ 61, ವಿಶಾಖಪಟ್ಟಣಂ  ಜಿಲ್ಲೆಯಲ್ಲಿ 57, ಪೂರ್ವ ಗೋದಾವರಿ ಜಿಲ್ಲೆಯಲ್ಲಿ 46, ಶ್ರೀಕಾಕುಲಂ ಜಿಲ್ಲೆಯಲ್ಲಿ 5  ಮತ್ತು ವಿಜಯನಗರಂ ಜಿಲ್ಲೆಯಲ್ಲಿ 4 ಪ್ರಕರಣಗಳು ವರದಿಯಾಗಿವೆ.ಇದಲ್ಲದೆ, ಗುಜರಾತ್ ಮತ್ತು ಕರ್ನಾಟಕಕ್ಕೆ ಸೇರಿದ 27 ಜನರನ್ನು ರಾಜ್ಯದಲ್ಲಿ ಕೊರೊನಾವೈರಸ್‌ ಪರೀಕ್ಷೆ ನಡೆಸಲಾಗಿದೆ.ಇಲ್ಲಿಯವರೆಗೆ 842 ರೋಗಿಗಳು ಚೇತರಿಸಿಕೊಂಡಿದ್ದಾರೆ ಮತ್ತು ಅವರನ್ನು ವಿವಿಧ ಆಸ್ಪತ್ರೆಗಳಿಂದ ಬಿಡುಗಡೆ ಮಾಡಲಾಗಿದ್ದು, 1004 ರೋಗಿಗಳು ಆಸ್ಪತ್ರೆಗಳಲ್ಲಿ ಕೊರೊನಾವೈರಸ್‌ಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಬುಲೆಟಿನ್ ತಿಳಿಸಿದೆ.