ಚೆನ್ನೈ, ಜೂನ್ 5,ಕರೋನವೈರಸ್‍ ಸೋಂಕು ದೃಢಪಟ್ಟು ಇಲ್ಲಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿರುವ ಪ್ರತಿಪಕ್ಷ ಡಿಎಂಕೆ ಶಾಸಕ ಜೆ.ಅನ್ಬಳಗನ್‍ ಅವರ ಆರೋಗ್ಯಸ್ಥಿತಿ ಗಂಭೀರವಾಗಿರುವುದರಿಂದ ಅವರನ್ನು ವೆಂಟಿಲೇಟರ್‍ ನಲ್ಲಿ ಇರಿಸಲಾಗಿದೆ.ಆಡಳಿತಾರೂಢ ಎಐಎಡಿಎಂಕೆ ಸಹ-ಸಂಚಾಲಕ ಮತ್ತು ತಮಿಳುನಾಡು ಮುಖ್ಯಮಂತ್ರಿಎಡಪ್ಪಾಡಿ ಕೆ ಪಳನಿಸ್ವಾಮಿ ಇಂದು ಆಸ್ಪತ್ರೆಯ ವೈದ್ಯರೊಂದಿಗೆ ಮಾತನಾಡಿ ಶಾಸಕರ ಆರೋಗ್ಯ ಸ್ಥಿತಿಯ ಬಗ್ಗೆ ವಿಚಾರಿಸಿದರು. ಶಾಸಕರು ಬೇಗನೆ ಚೇತರಿಸಿಕೊಳ್ಳುವಂತೆ ಪ್ರಾರ್ಥಿಸಿದರು.

ಮುಖ್ಯಮಂತ್ರಿಯವರ ಸಲಹೆಯಂತೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಸಚಿವ ಡಾ.ಸಿ.ವಿಜಯಬಾಸ್ಕರ್ ಆಸ್ಪತ್ರೆಗೆ ಭೇಟಿ ನೀಡಿ ಶಾಸಕರ ಆರೋಗ್ಯದ ಬಗ್ಗೆ ವಿಚಾರಿಸಿದರು‘61 ವರ್ಷದ ಅನ್ಬಳಗನ್‍  ಅವರು ಜೂನ್ 2 ರಂದು ತೀವ್ರ  ಉಸಿರಾಟ ತೊಂದರೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ.ಆಸ್ಪತ್ರೆಗೆ ಸೇರಿದಾಗ ಅವರಲ್ಲಿ ಕೊವಿಡ್‍-19 ಸೋಂಕು ದೃಢಪಟ್ಟಿತ್ತು.’ ಎಂದು ಆಸ್ಪತ್ರೆ ಬಿಡುಗಡೆ ಮಾಡಿರುವ ಪ್ರಕಟಣೆ ತಿಳಿಸಿದೆ. ಸದ್ಯ ಅವರು ವೆಂಟಿಲೇಟರ್ ಮೂಲಕ ಶೇ 80 ರಷ್ಟು ಆಮ್ಲಜನಕವನ್ನು ಪಡೆಯುತ್ತಿದ್ದಾರೆಕಳೆದ 24 ಗಂಟೆಗಳಲ್ಲಿ ಅವರ ಆರೋಗ್ಯ ಯಥಾಸ್ಥಿತಿಯಲ್ಲಿ ಮುಂದುವರೆದಿದೆಎಂದು ಪ್ರಕಟಣೆ ಹೇಳಿದೆ. ಅನ್ಬಳಗನ್‍ ಅವರು ಕೊವಿಡ್‍-19 ಸೋಂಕಿಗೆ ಒಳಗಾಗಿರುವ ತಮಿಳುನಾಡಿನ ಮೊದಲ ಚುನಾಯಿತ ಪ್ರತಿನಿಧಿಯಾಗಿದ್ದಾರೆ. ಮಾಜಿ ಡಿಎಂಕೆ ಶಾಸಕ ಜಯರಾಮನ್ ಅವರ ಪುತ್ರ, ಅನ್ಬಳಗನ್‍ ಸದ್ಯ ನಗರದ ಚೆಪಾಕ್‍ ವಿಧಾನಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದಾರೆ.