ನವದೆಹಲಿ, ಡಿ 19ಪೌರತ್ವ ತಿದ್ದುಪಡಿ ಕಾಯ್ದೆಗೆ ಸಂಬಂಧಿಸಿದಂತೆ ಇನ್ ಸ್ಟಾಗ್ರಾಮ್ ನಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದಕ್ಕೆ ಟ್ರೋಲ್ ಗೆ ಒಳಗಾಗಿರುವ ಮಗಳನ್ನು ಸಮರ್ಥಿಸಿಕೊಂಡಿರುವ ಭಾರತದ ಮಾಜಿ ಕ್ರಿಕೆಟಿಗ ಮತ್ತು ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ, ತಮ್ಮ ಮಗಳನ್ನು ರಾಜಕೀಯದಿಂದ ದೂರವಿಡಿ ಎಂದು ಮನವಿ ಮಾಡಿದ್ದಾರೆ.   ಈ ಕುರಿತು ಟ್ವೀಟ್ ಮಾಡಿರುವ ಅವರು “ದಯವಿಟ್ಟು ಸನಾಳನ್ನು ಈ ವಿಷಯಗಳಿಂದ ದೂರವಿರಿ. ಆ ಪೋಸ್ಟ್ ನಿಜವಲ್ಲ..ರಾಜಕೀಯದ ಕುರಿತು ಏನನ್ನಾದರೂ ಅರಿಯಲು ಆಕೆಯಿನ್ನೂ ತುಂಬಾ ಸಣ್ಣವಳು” ಎಂದಿದ್ದಾರೆ.   ಸನಾ ತನ್ನ ಇನ್ ಸ್ಟಾಗ್ರಾಮ್ ಖಾತೆಯಲ್ಲಿ ಕುಷವಂತ್ ಸಿಂಗ್ ಅವರ 2003ರಲ್ಲಿ ಪ್ರಕಟಿತ ‘ ದಿ ಎಂಡ್ ಆಫ್ ಇಂಡಿಯಾ’ ಪುಸ್ತಕದ ಕೆಲ ಸಾಲುಗಳನ್ನು ಹಂಚಿಕೊಂಡಿದ್ದರು ಎಂದು ಸುದ್ದಿಯಾಗಿತ್ತು.   ಆ ಸಾಲುಗಳು ‘ಪ್ರತಿ ಫ್ಯಾಸಿಸ್ಟ್ ಆಡಳಿತವು ಅಭಿವೃದ್ಧಿ ಹೊಂದಲು ಸಮುದಾಯಗಳು ಮತ್ತು ಗುಂಪುಗಳ ಅಗತ್ಯವಿದೆ. ಇದು ಒಂದು ಅಥವಾ ಎರಡು ಗುಂಪುಗಳಿಂದ ಆರಂಭವಾಗುತ್ತದೆ. ಆದರೆ ಅದು ಅಲ್ಲಿಗೆ ನಿಲ್ಲುವುದಿಲ್ಲ.  ದ್ವೇಷದ ಆಧಾರದ ಮೇಲೆ ಆರಂಭಗೊಂಡಿರುವ ಆ ಚಳವಳಿ ನಿರಂತರವಾಗಿ ಭಯ ಹಾಗೂ ಹೋರಾಟವನ್ನು ಸೃಷ್ಟಿಸುವ ಮೂಲಕ ಮಾತ್ರ ಬದುಕುಳಿಯಲು ಸಾಧ್ಯ’ ಎಂಬುದಾಗಿತ್ತು.