ಜಿನೀವಾ , ಫೆ  5,ಕಡಿಮೆ ಮತ್ತು ಮಧ್ಯಮ ಆದಾಯದ ರಾಷ್ಟ್ರಗಳಲ್ಲಿ  ಮುಂದಿನ 2040 ರ ವೇಳೆಗೆ ಕ್ಯಾನ್ಸರ್ ಪ್ರಕರಣಗಳ ಸಂಖ್ಯೆ ಶೇಕಡ 81 ರಷ್ಟು  ಹೆಚ್ಚಾಗಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ  ಎಚ್ಚರಿಸಿದೆ.ಕ್ಯಾನ್ಸರ್ ತಡೆ ಮತ್ತು ಆರೈಕೆಯ ಮೇಲೆ ಹೂಡಿಕೆ ಪ್ರಮಾಣ  ಕಡಿಮೆಯಾಗುತ್ತಿರುವುದೇ ಇದಕ್ಕೆ ಮೂಲ ಕಾರಣ ಎನ್ನಲಾಗಿದೆ ಈ ದೇಶಗಳು ತಮ್ಮ ಸೀಮಿತ ಸಂಪನ್ಮೂಲಗಳನ್ನು ಕ್ಯಾನ್ಸರ್ ವಿರುದ್ಧದ ಹೋರಾಟಕ್ಕೆ ಬದಲಾಗಿ ಸಾಂಕ್ರಾಮಿಕ ರೋಗ  ತಡೆಗೆ  ಮತ್ತು ಬಾಣಂತಿಯರು ಮತ್ತು ಶಿಶುಗಳ ಆರೋಗ್ಯ ಕಾಪಾಡಲು ಹೆಚ್ಚಾಗಿ ವಿನಿಯೋಗ  ಮಾಡುತ್ತಿವೆ ಎಂದೂ  ಇತ್ತಿಚಿನ ಜಾಗತಿಕ ಆರೋಗ್ಯ ಕುರಿತ  ವರದಿಯಲ್ಲಿ ಹೇಳಲಾಗಿದೆ. ಜನರಿಗೆ ಪ್ರಾಥಮಿಕ ಆರೋಗ್ಯ ಸೇವೆ  ವ್ಯವಸ್ಥಿತವಾಗಿ ಲಭಿಸಿದರೆ , ಕ್ಯಾನ್ಸರನ್ನು ಮುಂಚಿತವಾಗಿಯೇ ಪತ್ತೆ ಮಾಡಿ , ಪರಿಣಾಮಕಾರಿ ಚಿಕಿತ್ಸೆ ನೀಡಬಹುದಾಗಿದೆ ಎಂದೂ ಹೇಳಲಾಗಿದೆ.