ಲೋಕದರ್ಶನ ವರದಿ 

ಜಮಖಂಡಿ 10: ತಾಲ್ಲೂಕಿನ ಕಲಬೀಳಗಿ ಗ್ರಾಮದಲ್ಲಿ  ಬಾಲಕನೊರ್ವನು ಕುದರಿ ಗಾಡಿಯನ್ನು ಓಡಿಸಿಕೊಂಡು ಬರುವ ಸಮಯದಲ್ಲಿ ಬೈಕ್ ಸವಾರನಿಗೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸಾವನ್ನಪ್ಪಿದ ಘಟನೆ ಸಂಭವಿಸಿದೆ. 

ಗೋಠೆ ಗ್ರಾಮದ ಕಡೆಯಿಂದ ಬೈಕ್ ಸವಾರ ಪಂಡಿತ ಜ್ಞಾನೋಭಾ ಪವಾರ (36) ಕಲಬೀಳಗಿ ಗ್ರಾಮದ ರಸ್ತೆ ಕಡೆಗೆ ಹೋಗುವ ಸಮಯದಲ್ಲಿ ಕುದುರೆಯನ್ನು ಓಡಿಸಿಕೊಂಡು ಬರುತ್ತಿದ್ದ ಬಾಲಕ ಮಲ್ಲಿಕಾರ್ಜುನ ಶಾಂತಯ್ಯ ಮಠಪತಿ (17) ಗೋಠೆ ಗ್ರಾಮದಿಂದ ಕಲಬೀಳಗಿ ಕಡೆಗೆ ಅತೀ ವೇಗವಾಗಿ ಕುದರೆ ಗಾಡಿಯನ್ನು ಓಡಿಕೊಂಡಿಸಿಕೊಂಡು ಬಂದು ಬೈಕ್ ಸವಾರನಿಗೆ ಡಿಕ್ಕಿ ಹೊಡೆದ ಪರಿಣಾಮ ಎದೆ ಭಾಗಕ್ಕೆ ತೀವ್ರ ಪಟ್ಟಾದ ಕಾರಣ ಸಾವನ್ನಪ್ಪಿದ್ದಾನೆ ಎನ್ನಲಾಗಿದೆ. 

ಈ ಕುರಿತು ಸಾವಳಗಿ ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು. ಪಿಎಸ್‌ಐ ಅಪ್ಪಣ ಐಗಳಿ ತನಿಖೆಯನ್ನು ಮುಂದುವರಿಸಿದ್ದಾರೆಂದು ತಿಳಿಸಿದ್ದಾರೆ.