ಜೀನ್ಸ್ ಪ್ಯಾಂಟ್ ಧರಿಸಿದ್ದ ವಿಶ್ವದ ಅಗ್ರಮಾನ್ಯ ಚೆಸ್ ಆಟಗಾರ ಕಾರ್ಲಸನ್ ಅವರಿಗೆ ಮೊದಲು 200 ಅಮೆರಿಕನ್ ಡಾಲರ್ ದಂಡ ವಿಧಿಸಲಾಯಿತು. ಬಳಿಕ ಪಂದ್ಯಾವಳಿಯ ನಿಯಮಾವಳಿಗೆ ಅನುಗುಣವಾಗಿ ಅನರ್ಹಗೊಳಿಸಲಾಯಿತು.

ವಾಲ್ ಸ್ಟ್ರೀಟ್‌ನಲ್ಲಿ ನಡೆಯುತ್ತಿರುವ ರ್‍ಯಾಪಿಡ್ ಚಾಂಪಿಯನ್‌ಷಿಪ್‌ನ 9ನೇ ಸುತ್ತಿನ ಪಂದ್ಯದಲ್ಲಿ ಕಾರ್ಲಸನ್‌ಗೆ ಅವಕಾಶ ನಿರಾಕರಿಸಲಾಯಿತು.

ಉಡುಪು ಬದಲಿಸುವಂತೆ ಕಾರ್ಲಸನ್‌ಗೆ ವಿನಂತಿಸಿದರೂ ಅವರು ಅದನ್ನು ಪಾಲಿಸಲಿಲ್ಲ, ವಸ್ತ್ರ ಸಂಹಿತೆ ನಿಯಮ ನಾಳೆಯಿಂದ ಪಾಲಿಸುವುದಾಗಿ ತಿಳಿಸಿದರ  ಅವರು ತಕ್ಷಣವೇ ಜೀನ್ಸ್ ಬದಲಿಸಲು ತಯಾರಿರಲಿಲ್ಲ ಎಂದು ಆಯೋಜಕರು ತಿಳಿಸಿದ್ದಾರೆ.

ಈ ಕುರಿತು ಸ್ಪಷನೆ ನೀಡಿರುವ ಚೆಸ್‌ ಫೆಡರೇಷನ್‌, ವಸ್ತ್ರ ಸಂಹಿತೆ ಬಗ್ಗೆ ಸ್ಪರ್ಧಾಳುಗಳಿಗೆ ಮೊದಲೇ ತಿಳಿಸಲಾಗುತ್ತದೆ. ಆಟದಲ್ಲಿ ವೃತ್ತಿಪರತೆ ಖಚಿತಪಡಿಸಲು ಇದು ಅವಶ್ಯಕವಾಗಿದೆ ಎಂದು ಹೇಳಿದೆ.