ನವದೆಹಲಿ, ಜೂನ್ ೭,  ಆಸ್ಪತ್ರೆಗೆ ದಾಖಲಾಗಲು  ಸತತ ೧೩ ಗಂಟೆಗಳ   ಅಲೆದಾಡಿ  ಕೊನೆಗೆ ವಿಫಲಗೊಂಡು ಬಳಲಿ  ಎಂಟು ತಿಂಗಳ ಗರ್ಭಿಣಿಯೊಬ್ಬರು  ನೊಯಿಡಾದಲ್ಲಿ  ಅಂಬುಲೆನ್ಸ್ ನಲ್ಲಿ ಮೃತಪಟ್ಟಿರುವ  ದಾರುಣ  ಘಟನೆಗೆ ಕಾಂಗ್ರೆಸ್  ಪ್ರಧಾನ ಕಾರ್ಯದರ್ಶಿ  ಪ್ರಿಯಾಂಕಾ ಗಾಂಧಿ ವಾದ್ರಾ ಭಾನುವಾರ ಉತ್ತರ ಪ್ರದೇಶ ಸರ್ಕಾರವನ್ನು  ತೀವ್ರ ತರಾಟೆಗೆ ತೆಗೆದುಕೊಂಡಿದ್ದು, ಗರ್ಭಿಣಿ ಮಹಿಳೆಯ ಸಾವು  ಕೋವಿಡ್ ಯೇತರ   ಆರೋಗ್ಯ  ಸಮಸ್ಯೆಗಳನ್ನು ಗಂಭೀರವಾಗಿ ಪರಿಗಣಿಸದಿರುವ ಬಗ್ಗೆ  ಎಚ್ಚರಿಕೆ ನೀಡಿದ್ದಾರೆ.ನೊಯಿಡಾದ  ಎಂಟು ಆಸ್ಪತ್ರೆಗಳು ಗರ್ಭಿಣಿ ಮಹಿಳೆಯನ್ನು ದಾಖಲಿಸಿಕೊಳ್ಳಲು  ನಿರಾಕರಿಸಿದ ನಂತರ  ಆಕೆ ಸಾವನ್ನಪ್ಪಿರುವುದು   ಒಂದು ಎಚ್ಚರಿಕೆಯಾಗಿದೆ  ವಾದ್ರಾ ಟ್ವೀಟ್ ನಲ್ಲಿ  ತೀವ್ರ ನೋವು ವ್ಯಕ್ತಪಡಿಸಿದ್ದಾರೆ. 

 ಕೊರೊನಾ  ಸಾಂಕ್ರಾಮಿಕ ಸಂದರ್ಭದಲ್ಲಿ   ಕೋವಿಡ್ ಹೊರತಾದ  ಆರೋಗ್ಯ  ಸಮಸ್ಯೆಗಳನ್ನೂ ಬಗ್ಗೆಯೂ  ಸರ್ಕಾರ  ಗಂಭೀರವಾಗಿ  ಪರಿಗಣಿಸಬೇಕು.  ಇತರ  ಆರೋಗ್ಯ ಸಮಸ್ಯೆಗಳಿಗೆ  ಸೂಕ್ತ ಚಿಕಿತ್ಸಾ ಸೌಲಭ್ಯಗಳನ್ನು  ಒದಗಿಸಬೇಕು  ಎಂದು ಅವರು ಒತ್ತಾಯಿಸಿದರು. ಈ ವಿಚಾರದಲ್ಲಿ ಯಾವುದೇ  ಕುಂದು ಕೊರತೆ   ಗಂಭೀರಪರಿಣಾಮಗಳಿಗೆ   ದಾರಿ ಮಾಡಿಕೊಡಲಿದೆ ಎಂದು  ಅವರು ಹೇಳಿದ್ದಾರೆಇಂತಹ  ವರದಿಗಳು   ಉತ್ತರ ಪ್ರದೇಶದ ಹಲವು ಭಾಗಗಳಿಂದ ಬರುತ್ತಿವೆ. ಈ ನಿಟ್ಟಿನಲ್ಲಿ ಸರ್ಕಾರ  ಪೂರ್ಣ ಪ್ರಮಾಣದಲ್ಲಿ  ಸಿದ್ದತೆ ಕೈಗೊಂಡರೆ ಯಾರೊಬ್ಬರು  ವೈದ್ಯಕೀಯ ಚಿಕಿತ್ಸೆ ಲಭಿಸದೆ ಸಾಯುವುದಿಲ್ಲ ಎಂದು  ಅವರು ಹೇಳಿದ್ದಾರೆ.