ಕಲಬುರಗಿ,  ಮೇ 13, ಸೂರ್ಯ ನಗರಿ ಕಲಬುರಗಿಯಲ್ಲಿ ಕೊರೊನಾ ಮರಣ ಮೃದಂಗ ಮುಂದುವರೆಸಿದ್ದು,  ಬುಧವಾರ ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ 7ಕ್ಕೆ ಏರಿಕೆ ಆಗಿದೆ.ಮೃತ 60 ವರ್ಷದ ವೃದ್ಧ ಸೇರಿ ಬುಧವಾರ ಕಲಬುರಗಿ ನಗರದಲ್ಲಿ ಇಬ್ಬರಲ್ಲಿ ಕೊರೊನಾ ಸೋಂಕು‌ ದೃಢವಾಗಿದೆ.ಕಲಬುರಗಿ  ನಗರದ ರೋಗಿ ಸಂಖ್ಯೆ-848 ಸಂಪರ್ಕದಲ್ಲಿ ಬಂದ ಖೂಬಾ‌ ಪ್ಲಾಟ್ ಪ್ರದೇಶದ 45 ವರ್ಷದ  ಪುರುಷ (ರೋಗಿ ಸಂಖ್ಯೆ-926) ಮತ್ತು ಮೋಮಿನಪುರ ಕಂಟೇನ್ ಮೆಂಟ್ ಝೋನ್ ಪ್ರದೇಶದ 60 ವರ್ಷದ  ವೃದ್ಧನಿಗೆ (ಮೃತ ರೋಗಿ ಸಂಖ್ಯೆ -927) ಕೊರೊನಾ ಸೋಂಕು ಕಂಡುಬಂದಿದೆ.ಮೋಮಿನಪುರ  ಕಂಟೇನ್ ಮೆಂಟ್ ಝೋನ್ ನಿವಾಸಿ 60 ವರ್ಷದ ವೃದ್ಧ ಮೇ 11 ರಂದೇ ಆಸ್ಪತ್ರೆಗೆ ಬರುವ  ಮುನ್ನವೇ ನಿಧನರಾಗಿದ್ದು, ಮರಣೋತ್ತರವಾಗಿ ಕೋವಿಡ್-19 ಪರೀಕ್ಷಿಸಲಾಗಿದ್ದು, ಇಂದು  ಕೋವಿಡ್ ದೃಢವಾಗಿದೆ.ಜಿಲ್ಲೆಯಲ್ಲಿ  ಕೊರೊನಾ‌ ಪೀಡಿತ 75 ರೋಗಿಗಳಲ್ಲಿ 7 ಜನ ನಿಧನ‌ರಾಗಿದ್ದು, 44 ರೋಗಿ ಗುಣಮುಖರಾಗಿ  ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ‌. ಉಳಿದಂತೆ 24 ರೋಗಿಗಳಿಗೆ ಚಿಕಿತ್ಸೆ‌  ಮುಂದುವರೆದಿದೆ.ದಿನದಿಂದ ದಿನಕ್ಕೆ ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ ಸೇರಿ ಸೋಂಕಿತರ ಸಂಖ್ಯೆಯೂ ಹೆಚ್ಚಾಗುತ್ತಿದ್ದು, ಮತ್ತಷ್ಟು ಆತಂಕಕ್ಕೆ ಎಡೆಮಾಡಿಕೊಟ್ಟಿದೆ.