ನವದೆಹಲಿ, ಜ ೨೭:               ಮುಂದಿನ ನಾಲ್ಕು ವರ್ಷಗಳಲ್ಲಿ ಭಾರತೀಯ ರೈಲ್ವೆಯನ್ನು   ಸಂಪೂರ್ಣ  ವಿದ್ಯುದ್ದೀಕರಣಗೊಳಿಸಲಾಗುವುದು   ಎಂದು  ರೈಲ್ವೆ   ಸಚಿವ ಪಿಯೂಷ್ ಗೋಯಲ್ ಹೇಳಿದ್ದಾರೆ.  ಆಗ,  ಭಾರತೀಯ ರೈಲ್ವೆ   ವಿಶ್ವದ ಮೊದಲ ಸಂಪೂರ್ಣ ವಿದ್ಯುದ್ದೀಕೃತ ರೈಲ್ವೆ ಆಗಲಿದೆ ಎಂದು ಅವರು ಹೇಳಿದರು. 

ದೆಹಲಿಯಲ್ಲಿ  ಸೋಮವಾರ   ನಡೆದ ಭಾರತ-ಬ್ರೆಜಿಲ್ ಉದ್ಯಮ ವೇದಿಕೆಯಲ್ಲಿ ಪಾಲ್ಗೊಂಡು    ಸಚಿವ ಗೋಯಲ್    ಮಾತನಾಡುತ್ತಿದ್ದರು.

ಭಾರತೀಯ ರೈಲ್ವೆ ಜಾಲವನ್ನು  ಶೇ. ೧೦೦ರಷ್ಟು ವಿದ್ಯುದೀಕರಣಗೊಳಿಸಲಿದ್ದೇವೆ.  ಈ ಕೆಲಸವನ್ನು ೨೦೨೪ ವೇಳೆಗೆ  ಪೂರ್ಣಗೊಳಿಸಲಿದ್ದೇವೆ.    ಮುಂದಿನ ನಾಲ್ಕು ವರ್ಷಗಳಲ್ಲಿ  ಭಾರತೀಯ ರೈಲ್ವೆಯ ಎಲ್ಲಾ ರೈಲು ಮಾರ್ಗಗಳನ್ನು  ವಿದ್ಯುದ್ದೀಕರಿಸಲಾಗುವುದು.  ಈ ಕಾರ್ಯಪೂರ್ಣಗೊಂಡರೆ   ವಿಶ್ವದ ಸಂಪೂರ್ಣ ವಿದ್ಯುದ್ದೀಕೃತ ರೈಲ್ವೆ ಎಂಬ ಹೆಗ್ಗಳಿಕೆಗೆ   ಭಾರತೀಯ ರೈಲ್ವೆ  ಪಾತ್ರವಾಗಲಿದೆ.   ಈ ಉದ್ದೇಶಕ್ಕಾಗಿ  ಶುದ್ಧ  ಇಂಧನ  ಬಳಸಲಿದ್ದೇವೆ  ಎಂದು ಪಿಯೂಷ್ ಗೋಯೆಲ್ ಹೇಳಿದರು.

ಇನ್ನೂ  ಬ್ರೆಜಿಲ್‌ನೊಂದಿಗಿನ ಭಾರತದ ಸಂಬಂಧದ ಬಗ್ಗೆ ಪ್ರತಿಕ್ರಿಯಿಸಿದ ಪಿಯೂಷ್ ಗೋಯೆಲ್, ಉಭಯ ದೇಶಗಳು ಉತ್ತಮ ಸಂಬಂಧವನ್ನು ಹೊಂದಿವೆ ಎಂದು ಹೇಳಿದರು.