ಬೆಂಗಳೂರು, ಆಗಸ್ಟ್ 24   ಕೇಂದ್ರದ ಮಾಜಿ ಸಚಿವ, ಬಿಜೆಪಿಯ ಹಿರಿಯ ಮುಖಂಡ ಅರುಣ್ ಜೇಟ್ಲಿ ಅವರ ನಿಧನಕ್ಕೆ ಮುಖ್ಯಮಂತ್ರಿ ಬಿ ಎಸ್ ಯಡಿಯೂರಪ್ಪ ಮಾಜಿ ಪ್ರಧಾನಿ ಎಚ್ ಡಿ  ದೇವೇಗೌಡ ಕಂಬನಿ ಮಿಡಿದಿದ್ದಾರೆ.    ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ನಾಳೆ  ನಾಳೆ ದೆಹಲಿಗೆ ತೆರಳಿ ಅವರ ಅಂತ್ಯಕ್ರಿಯೆಯಲ್ಲಿ    ಭಾಗಿಯಾಗಲಿದ್ದಾರೆ.  ಅರುಣ್ ಜೇಟ್ಲಿಯವರ ನಿಧನಕ್ಕೆ  ಸಂತಾಪ  ವ್ಯಕ್ತಪಡಿಸಿದ ಸಿಎಂ ಅವರು, ಜೇಟ್ಲಿ  ಬಹುಮುಖ ವ್ಯಕ್ತಿತ್ವ ಮತ್ತು ಅವರು ಸಂಸತ್ತಿನಲ್ಲಿ ಮಾತನಾಡುವಾಗ ಸದನ ಮೌನವಾಗಿರುತ್ತಿತ್ತು ಅವರ  ವಿಚಾರಧಾರೆಗಳನ್ನು  ಪ್ರತಿಪಕ್ಷಗಳ ಪಕ್ಷಗಳ ಸದಸ್ಯರೂ ಬಹಳ ಗಂಬೀರವಾಗಿ  ಅಲಿಸುತ್ತಿದ್ದರು.   ಜೇಟ್ಲಿಯವರ ನಿಧನ ಬಿಜೆಪಿಗೆ ದೊಡ್ಡ ಆಘಾತವಾಗಿದೆ ಎಂದು ಹೇಳಿದ ಯಡಿಯೂರಪ್ಪ ಇತ್ತೀಚೆಗೆ, 20 ದಿನಗಳ ಹಿಂದೆ, ಅವರ ಆಹ್ವಾನದ ಮೇರೆಗೆ  ಮಗ, ಸಂಸದ  ರಾಘವೇಂದ್ರ ಜೊತೆ  ಅವರ ನಿವಾಸದಲ್ಲಿ ಅವರನ್ನು ಭೇಟಿಯಾಗಿ  20 ನಿಮಿಷ ಮಾತನಾಡಿದ್ದನ್ನು ಅವರು ಸ್ಮರಿಸಿಕೊಂಡಿದ್ದಾರೆ    ಮಾಜಿ ಪ್ರಧಾನಿ  ಎಚ್ ಡಿ ದೇವೇಗೌಡ, ಜೇಟ್ಲಿಯವರ ಸಾವಿನ ಬಗ್ಗೆ ಆಘಾತ ವ್ಯಕ್ತಪಡಿಸಿ, ಅವರ ನಿಧನ ದೇಶಕ್ಕೆ ದೊಡ್ಡ ನಷ್ಟವಾಗಿದೆ ಎಂದು ಕಂಬನಿ ಮಿಡಿದಿದ್ದಾರೆ. ಅವರ ಕುಟುಂಬದ  ಸದಸ್ಯರಿಗೆ ಅಗಲಿಯ ನೋವು ತಡೆಯುವ ಶಕ್ತಿಯನ್ನು ದೇವರು ಕರುಣಿಸಲಿ ಎಂದು ಗೌಡರು ಶೋಕ ಸಂದೇಶದಲ್ಲಿ ತಿಳಿಸಿದ್ದಾರೆ.