ನವದೆಹಲಿ, ಏ ೩,  ಕೊರೊನಾ ವೈರಸ್ ನಿಂದ  ಸೃಷ್ಟಿಯಾಗಿರುವ  ಆರ್ಥಿಕ ಸಂಕಷ್ಟವನ್ನು  ಎದುರಿಸಲು   ಭಾರತಕ್ಕೆ  ವಿಶ್ವ ಬ್ಯಾಂಕ್  ಒಂದು ಬಿಲಿಯನ್ ಡಾಲರ್ ತುರ್ತು  ನೆರವು ಘೋಷಿಸಿದೆ. ಒಟ್ಟು  ೨೫  ಅಭಿವೃದ್ದಿ ಶೀಲ ದೇಶಗಳಿಗೆ  ೧.೯ ಬಿಲಿಯನ್ ಡಾಲರ್  ನೆರವು ಪ್ರಕಟಿಸಿರುವ  ವಿಶ್ವಬ್ಯಾಂಕ್ ,  ಈ ಪೈಕಿ  ಒಂದು ಬಿಲಿಯನ್ ಡಾಲರ್  ಅನ್ನು  ಭಾರತಕ್ಕೆ  ಹಂಚಿಕೆ ಮಾಡಿರುವುದಾಗಿ ವಿಶ್ವಬ್ಯಾಂಕ್   ಸಮೂಹದ ಅಧ್ಯಕ್ಷ  ಡೇವಿಡ್ ಮಾಲ್ ಪಾಸ್ ತಿಳಿಸಿದ್ದಾರೆ.ಕೊರೊನಾ ಸೃಷ್ಟಿಸಿರುವ  ಬಿಕ್ಕಟ್ಟಿನಿಂದ   ತ್ವರಿತವಾಗಿ ಚೇತರಿಸಿಕೊಳ್ಳಲು  ಈ  ನೆರವು  ಘೋಷಿಸಿರುವುದಾಗಿ    ಅವರು ತಿಳಿಸಿದ್ದು,  ಪ್ರಸ್ತುತ  ಬಿಕ್ಕಟ್ಟಿನಿಂದಾಗಿ  ಬಡ ದೇಶಗಳ ಪರಿಸ್ಥಿತಿ   ಅತ್ಯಂತ  ಶೋಚನೀಯವಾಗಿದೆ  ಎಂದು ಅವರು ಹೇಳಿದ್ದಾರೆ.