ಮಾಂಜರಿ 09: ದ್ವಿಚಕ್ರ ವಾಹನ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಬದಿ ಇದ್ದ ಗಿಡಕ್ಕೆ ದ್ವಿಚಕ್ರ ವಾಹನ ಅಪ್ಪಳಿಸಿದ ಕಾರಣದಿಂದ ಇಬ್ಬರ ಯುವಕರು ಮೃತಪಟ್ಟು ಒಬ್ಬ ಯುವಕ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಚಿಕ್ಕೋಡಿ ತಾಲೂಕಿನ ಇಂಗಳಿ ಗ್ರಾಮದಲ್ಲಿ ಶುಕ್ರವಾರ ರಾತ್ರಿ ನಡೆದಿದೆ. ಈ ಪ್ರಕರಣ ಅಂಕಲಿ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.  

ಇಂಗಳಿ ಗ್ರಾಮದ ಯುವಕ ಪ್ರಭಾಕರ್ ಗೋಸರವಾಡೆ(45) ಮೋಹನ  ಕೋಳಿ(42) ಮ್ಥಪಟ್ಟಿದ್ದು, ನಾಗೇಂದ್ರ ಶಿರಹಟ್ಟಿ(35) ಗಾಯಗೊಂಡಿದ್ದಾಋಎ. 

ಈ ಮೂವರು ಕೂಡಿ ದ್ವಿಚಕ್ರ ವಾಹನ ಕ್ರಮಾಂಕ ಕೆ ಎ 23 ಯು 8350 ಈ ದ್ವಿಚಕ್ರ ವಾಹನ ಮೇಲೆ ಇಂಗಳಯಿಂದ ಶಿರುಗುಪ್ಪಿ ಗ್ರಾಮಕ್ಕೆ ಹೋಗುವಾಗ ಸದರಿ ಅಪಘಾತ ಸಂಭವಿಸಿದೆ. ಅಪಘಾತದಲ್ಲಿ ಪ್ರಭಾಕರ್ ಘೋಸರವಾಡೆ ಹಾಗೂ ಮೋಹನ  ಕೋಳಿ ಈ ಇಬ್ಬರ ಯುವಕರಿಗೆ ತಲೆಗೆ ಗಂಭೀರವಾದ ಗಾಯ ಆಗಿ ಹೆಚ್ಚಿನ ರಕ್ತಸ್ರಾವವಾಗಿದ್ದು ಉಪಚಾರಕ್ಕೆ ಆಸ್ಪತ್ರೆಗೆ ಹೋಗುವಾಗ ದಾರಿ ಮಧ್ಯ ಇಬ್ಬರು ಮೃತಪಟ್ಟಿದ್ದಾರೆ. ನಾಗೇಂದ್ರ ಶಿರಹಟ್ಟಿ ಇವರ ಕಾಲು ಮುರಿದಿದ್ದು ಈತನಿಗೆ ಹೆಚ್ಚಿನ ಚಿಕಿತ್ಸೆಗಾಗಿ ಬೆಳಗಾವಿ ಜಿಲ್ಲಾ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ ಎಂದು ಅಂಕಲಿ ಪೊಲೀಸರು ತಿಳಿಸಿದ್ದಾರೆ.  ಘಟನಾ ಸ್ಥಳಕ್ಕೆ ಅಂಕಲಿ ಪೊಲೀಸರು ಮತ್ತು ವರಿಷ್ಠ ಅಧಿಕಾರಿಗಳು ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.