ನವದೆಹಲಿ,  ಏ ೮, ದೇಶಾದ್ಯಂತ ಕಳೆದ ೨೪ ಗಂಟೆಗಳಲ್ಲಿ ೭೭೩ ಕೊರೊನಾ ವೈರಸ್  ದೃಢಪಟ್ಟ ಪ್ರಕರಣಗಳು ವರದಿಯಾಗಿವೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ    ಜಂಟಿ ಕಾರ್ಯದರ್ಶಿ ಲವ್   ಅಗರವಾಲ್  ಬುಧವಾರ  ತಿಳಿಸಿದ್ದಾರೆ.  ಇದರೊಂದಿಗೆ ದೇಶದಲ್ಲಿ       ಒಟ್ಟು  ಕೊರೊನಾ  ಪ್ರಕರಣಗಳ  ಸಂಖ್ಯೆ ೫,೧೯೪ ಏರಿಕೆಯಾಗಿದೆ.
ಕಳೆದ ೨೪ ಗಂಟೆಗಳಲ್ಲಿ  ಕೊರೊನಾ ಸೋಂಕಿನಿಂದ  ೩೨ ಮಂದಿ ಸಾವನ್ನಪ್ಪಿದ್ದಾರೆ. ಕರೋನಾ ಹೆಲ್ತ್ ಬುಲೆಟಿನ್ ಬಿಡುಗಡೆಗೊಳಿಸಿ ಮಾತನಾಡಿದ ಜಂಟಿ ಕಾರ್ಯದರ್ಶಿ,  ಕೊರೊನಾದಿಂದ ಸಾವನ್ನಪ್ಪಿದವರ ಸಂಖ್ಯೆ ೧೪೯ ಕ್ಕೆ ತಲುಪಿದೆ.  ಆದರೆ,  ಕೊರೊನಾ ಸೋಂಕು ದೃಢ ಪಟ್ಟವರಲ್ಲಿ ಶೇ, ೮೦ ರಷ್ಟು ಮಂದಿ ಆರೋಗ್ಯದಿಂದಿದ್ದು,  ಈವರೆಗೆ ೪೦೨ ಮಂದಿ  ಕೊರೊನಾದಿಂದ ಚೇತರಿಸಿಕೊಂಡಿದ್ದಾರೆ.