ಗದಗ, ಮೇ 18,ಗದಗ ಜಿಲ್ಲೆಯಲ್ಲಿ ಮತ್ತೆ ಐದು ಕೊರೋನಾ ಸೋಂಕು ದೃಢಪಟ್ಟಿದೆ.ಶಿರಹಟ್ಟಿಯ 17 ಜನ ಮೇ 12 ರಂದು ತಮಿಳುನಾಡಿನ  ಚೆನ್ನೈ ನಿಂದ   ಜಿಲ್ಲೆಗೆ  ಆಗಮಿಸಿದ್ದರು. ಬಂದ ತಕ್ಷಣವೇ ಅವರೆಲ್ಲರನ್ನೂ ಹಾಸ್ಟೆಲ್ ದಲ್ಲಿ ಪ್ರತ್ಯೇಕ  ನಿಗಾದಲ್ಲಿರಿಸಲಾಗಿತ್ತು. ಅವರಲ್ಲಿ ಓರ್ವ ಶಂಕಿತರ ಗಂಟಲು ದ್ರವವನ್ನು ಕೊವಿಡ್-19  ಸೋಂಕು ಪರೀಕ್ಷೆಗಾಗಿ ಕಳುಹಿಸಲಾಗಿತ್ತು. 30 ವರ್ಷದ ಪಿ-1178 ಇವರಿಗೆ ಸೋಂಕು  ದೃಢಪಟ್ಟಿದೆ.
ಇದಲ್ಲದೇ ಗದಗನ ಕಂಟೇನ್ಮೆಂಟ್‌ ಝೋನ್‌ ಗಂಜಿ ಬಸವೇಶ್ವರ ಪ್ರದೇಶ 4 ಜನರಿಗೆ  ಪಿ- 1179, 33 ವಯಸ್ಸಿನ ಪುರುಷ,  ಪಿ-1180, 58 ವಯಸ್ಸಿನ ಪುರುಷ, ಪಿ- 1181, 32  ವಯಸ್ಸಿನ ಪುರುಷ ಹಾಗೂ ಪಿ-1182, 12 ವಯಸ್ಸಿನ ಗಂಡು ಮಗ ಅವರಿಗೆ ಸೋಂಕು ದೃಢ  ಪಟ್ಟಿದ್ದು ನಿಗದಿತ ಕೊವಿಡ್-19 ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಗಂಜಿ  ಬಸವೇಶ್ವರ ಕಂಟೆನ್ಮೆಂಟ್‌ ವಲಯದ 4 ಹೊಸ ಕೋವಿಡ್-19 ಪ್ರಕರಣದ ಪ್ರಥಮ 20 ಸಂಪರ್ಕಿತರನ್ನು  ಈಗಾಗಲೇ ಪ್ರತ್ಯೇಕ ನಿಗಾದಲ್ಲಿ ಇರಿಸಿ ಅವರ ಗಂಟಲು ದ್ರವದ ಪರೀಕ್ಷೆಗಾಗಿ ಕ್ರಮ  ಜರುಗಿಸಲಾಗುತ್ತಿದೆ  ಎಂದು  ಗದಗ ಜಿಲ್ಲಾಧಿಕಾರಿ ಎಂ.ಜಿ.ಹಿರೇಮಠ ತಿಳಿಸಿದ್ದಾರೆ. ಈಗ  ಒಟ್ಟು  11 ಪಾಸಿಟಿವ್ ಪ್ರಕರಣಗಳಿಗೆ ಗದಗ ನಿಗದಿತ ಕೊವಿಡ್-19 ಆಸ್ಪತ್ರೆಯಲ್ಲಿ   ಚಿಕಿತ್ಸೆ  ನೀಡಲಾಗುತ್ತಿದೆ. ಗದಗ ಜಿಲ್ಲೆಯಲ್ಲಿ ಇದುವರೆಗೆ ಕೋವಿಡ್ ಪಾಸಿಟಿವ್  ಹೊಂದಿರುವ 17 ಪ್ರಕರಣಗಳು ವರದಿಯಾಗಿದ್ದು, ಇದರಲ್ಲಿ ಓಬ್ಬರು ಮೃತಪಟ್ಟಿದ್ದು  5 ಈಗಾಗಲೇ  ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.