ಸಿಂಗಾಪುರ, ಅ 10:   ಪ್ಯಾರೀಸ್ ಸೈಂಟ್ ಜರ್ಮ್ನ್ ಮುಂಚೂಣಿ ಆಟಗಾರ ನೇಯ್ಮಾರ್ ಅವರಿ ಬ್ರೆಜಿಲ್ ಪರ 100ನೇ ಅಂತಾರಾಷ್ಟ್ರೀಯ ಪಂದ್ಯವಾಡಲು ಸಿದ್ಧರಾಗುತ್ತಿದ್ದಾರೆ. ಕಳೆದ ಬೇಸಿಗೆಯಲ್ಲಿ ನೇಯ್ಮಾರ್ ಅವರು ಪ್ಯಾರೀಸ್ ಸೈಂಟ್ ಜರ್ಮ್ನ್ ತಂಡ ಬಿಟ್ಟು ಬಾರ್ಸ್ಲೋನಾ ತಂಡಕ್ಕೆ ತೆರಳುತ್ತಿದ್ದಾರೆ ಎಂಬ ವಿಷಯ ಭಾರಿ ಸದ್ದು ಮಾಡಿತ್ತು. ಇದರಿಂದಾಗಿ ಪ್ಯಾರೀಸ್ ಕ್ಲಬ್ನ ನೇಯ್ಮಾರ್ ಅಭಿಮಾನಿಗಳ ಸಿಟ್ಟಿಗೂ ಇದು ಕಾರಣವಾಗಿತ್ತು. ತಡವಾಗಿ ಅವರು ಬಾರ್ಸ್ಲೋನಾ ಕ್ಲಬ್ಗೆ ತೆರಳಿಲ್ಲ. ಈ ವೇಳೆ ಅವರು ನಾಲ್ಕು ಲೀಗ್ ಪಂದ್ಯಗಳಿಂದ ಕೇವಲ ನಾಲ್ಕು ಗೋಲುಗಳನ್ನು ಮಾತ್ರ ಸಿಡಿಸಿದ್ದರು. ತಡವಾಗಿ ಪ್ಯಾರೀಸ್ ಸೈಂಟ್ ಜರ್ಮ್ನ್ ತಂಡ ಎರಡು ಪಂದ್ಯಗಳಲ್ಲಿ ಜಯ ದಾಖಲಿಸಿತ್ತು. ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ್ದ ನೇಯ್ಮಾರ್, "ರಾಷ್ಟ್ರೀಯ ತಂಡ ಹಾಗೂ ಪಿಎಸ್ಜಿ ಕ್ಲಬ್ ಎರಡರಲ್ಲೂ ಖುಷಿಯಾಗಿ ಆಡುತ್ತಿದ್ದೇನೆ. ಪಿಎಸ್ಜಿ ಯಿಂದ ಬಾರ್ಸ್ಲೋನಾ ಕ್ಲಬ್ಗೆ ವರ್ಗಾವಣೆ ಏನಾಯಿತು ಎಂಬ ವಿಷಯ ಪ್ರತಿಯೊಬ್ಬರಿಗೂ ಗೊತ್ತು. ಆದರೆ, ಈ ಬಾರಿ ನಮ್ಮ ಕ್ಲಬ್ ಪರ ಆಡಲು ಖುಷಿ ಇದೆ. ಅಂದಂತೆ ತಂಡ ಅತ್ಯುತ್ತಮ ಆರಂಭ ಕಂಡಿದೆ. ತಂಡದ ಗೆಲುವಿಗೆ ನನ್ನ ಕಡೆಯಿಂದ ಶೇ.100 ರಷ್ಟು ಪ್ರಯತ್ನ ಇದ್ದೇ ಇರುತ್ತದೆ ಎಂದು ಭರವಸೆ ನೀಡಿದರು. ನೇಯ್ಮಾರ್ ಅವರು ಸದ್ಯ ಬ್ರೆಜಿಲ್ ಪರ ಅತಿ ಹೆಚ್ಚು ಅಂತಾರಾಷ್ಟ್ರೀಯ ಗೋಲು ಗಳಿಸಿದವರ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. 99 ಪಂದ್ಯಗಳಾಡಿರುವ ಅವರು 61 ಗೋಲು ಸಿಡಿಸಿದ್ದಾರೆ. ಇಂದು ಸೆನೆಗಲ್ ವಿರುದ್ಧ ವೃತ್ತಿ ಜೀವನದ 100ನೇ ಪಂದ್ಯವಾಡಲಿದ್ದಾರೆ. ಆ ಮೂಲಕ ನೂತನ ಮೈಲುಗಲ್ಲಿ ಸೃಷ್ಠಿಸುವ ಉತ್ಸಾಹದಲ್ಲಿದ್ದಾರೆ. ಸಿಂಗಾಪುರ ನ್ಯಾಷನಲ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದ್ದು, ಭಾನುವಾರ ನೈಜೀರಿಯಾ ವಿರುದ್ಧ ಮತ್ತೊಂದು ಸೌಹಾರ್ಧಯುತ ಪಂದ್ಯ ಇದೇ ಅಂಗಳದಲ್ಲಿ ನಡೆಯಲಿದೆ.