ಬೆಳಗಾವಿ 09 :  ದೈನಂದಿನ ಜೀವನದ ಕೆಲಸ ಕಾರ್ಯಗಳ  ಒತ್ತಡದ ನಡುವೆ  ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಕಾಳಜಿ ವಹಿಸಿ,  ಆರೋಗ್ಯಕರವಾದ ಸುಖಮಯವಾಗಿ ನಡೆಸಬೇಕು ಎಂದು ಹ್ಯಾಪಿ ಹಾರ್ಟ್‌ ಫೌಂಡೇಶನ್ ಮುಖ್ಯಸ್ಥರಾದ ಡಾ. ಸ್ಫೂರ್ತಿ ಮಾಸ್ತಿಹೋಳಿ  ಅವರು ಹೇಳಿದರು. ನಗರದ ಹಳೆ ಪಿಬಿ  ರಸ್ತೆಯ ಶುಭಾರಂಭ ಸಾಂಸ್ಕೃತಿಕ ಭವನದಲ್ಲಿ  ಶಿವಗಿರಿ ಸೊಸೈಟಿ ವತಿಯಿಂದ ಮಹಿಳಾ ದಿನಾಚರಣೆ ಹಾಗು ಶಿವಗಿರಿ ಮಹಿಳಾ ಸ್ವ-ಸಹಾಯ ಗುಂಪುಗಳ ದಶಮಾನೋತ್ಸವ  ಕಾರ್ಯಕ್ರಮ ವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ಬದುಕಿನಲ್ಲಿ ಹಲವಾರು ಸಮಸ್ಯೆಗಳಿಗೆ ಎದುರಾಗುತ್ತವೆ. ಎಷ್ಟೇ ಒತ್ತಡಗಳಿದ್ದರೂ ನಮ್ಮ ವೈಯಕ್ತಿಕ ಕೌಟುಂಬಿಕ ಜೀವನದ ಬಗ್ಗೆ ಕಾಳಜಿವಹಿಸಬೇಕು, ಯಾವುದೇ ತಲೆ ಬಾಗದೇ ಎಲ್ಲವನ್ನು ಎದುರಿಸಿ ಜೀವನದಲ್ಲಿ ಉತ್ತಮ ರೂಪಿಸಿಕೊಳ್ಳಬೇಕು.

ಅದರೊಂದಿಗೆ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು ಎಂದು ಸಲಹೆ ನೀಡಿದರು.ಈ ವೇಳೆ ಮಹಿಳೆಯರಿಗೆ ವಿವಿಧ ರೀತಿಯ ಸ್ಪರ್ಧೆಗಳನ್ನು ಏರಿ​‍್ಡಸಲಾಗಿತ್ತು ನೂರಾರು ಮಹಿಳೆಯರು ಕಾರ್ಯಕ್ರಮದಲ್ಲಿ ಉತ್ಸಾಹದಿಂದ  ಪಾಲ್ಗೊಂಡು ಸಂಭ್ರಮಿಸಿದರು. ನಂತರ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನವನ್ನು ವಿತರಿಸಲಾಯಿತು. ಈ ಸಂದರ್ಭದಲ್ಲಿ  ಸೊಸೈಟಿಯ ಅಧ್ಯಕ್ಷರಾದ ಸುಜನ್ ಕುಮಾರ್ ಬಿಲ್ಲವ ಸಂಘದ ಅಧ್ಯಕ್ಷರಾದ ಹಾಗು ಸೊಸೈಟಿಯ ಉಪಾಧ್ಯಕ್ಷರಾದ ಸುನಿಲ್ ಪೂಜಾರಿ ನಿರ್ದೇಶಕರಾದ ಸುಂದರ ಕೋಟ್ಯಾನ್ , ಸುರೇಶ್ ಜತನ್ ,ಬೇಬಿ ಪೂಜಾರಿ  , ರಮೇಶ್ ಬಸನಾಯ್ಕ್‌ , ಸೊಸೈಟಿಯ  ಸಲಹಾ ಸಮಿತಿ ಸದಸ್ಯರಾದ ಗಣೇಶ್ ಪೂಜಾರಿ,  ನೇತ್ರಾವತಿ ಸಬ್ನಿಸ್  , ಲಕ್ಷ್ಮೀ ಪೂಜಾರಿ, ಸೊಸೈಟಿಯ ಸಿಬ್ಬಂದಿಗಳು  ಇದ್ದರು. ವ್ಯವಸ್ಥಾಪಕರಾದ ಚಂದ್ರ ಹೆಚ್ ಪೂಜಾರಿ ನಿರೂಪಿಸಿ ವಂದಿಸಿದರು.