ಲೋಕದರ್ಶನ ವರದಿ

ಕೊಪ್ಪಳ 10: ಕೊರೊನಾ ವೈರಸ್  ವಿರುದ್ಧ   ಸಾರ್ವಜನಿಕರ ಆರೋಗ್ಯಕ್ಕಾಗಿ ಶ್ರಮಿಸುತ್ತಿರುವ  ಪೊಲೀಸ್ ಇಲಾಖೆಯವರಿಗೆ, ಆರೋಗ್ಯ ಇಲಾಖೆಯ  ಸಿಬ್ಬಂದಿಗೆ ಕೊಪ್ಪಳ ತಾಲೂಕಾ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಹಾಗೂ ನಗರಸಭೆ ಸದಸ್ಯ ರಾಜಶೇಖರ ಆಡೂರು ವಿತರಿಸಿದರು. 

ನಗರಸಭೆ ಸದಸ್ಯ ರಾಜಶೇಖರ ಆಡೂರು ಮಾತನಾಡಿ ಕರೋನಾ ವೈರಸ್ ಹರಡದಂತೆ,  ಪರಿಸ್ಥಿತಿಯನ್ನು ನಿಯಂತ್ರಿಸಲು ಪೊಲೀಸ್ ಇಲಾಖೆಯವರು ಮತ್ತು ಆರೋಗ್ಯ ಇಲಾಖೆಯ ಸಿಬ್ಬಂದಿಯವರು  ತಮ್ಮ ಆರೋಗ್ಯವನ್ನು ಲೆಕ್ಕಿಸದೆ ಸಾರ್ವಜನಿಕರ ಯೋಗಕ್ಷೇಮಕ್ಕಾಗಿ ದುಡಿಯುತ್ತಿದ್ದಾರೆ. ಇಂತಹ ಪ್ರಾಮಾಣಿಕ ಹಾಗೂ ನಿಸ್ವಾರ್ಥ ಸೇವಾ ಸಿಬ್ಬಂದಿಯವರ ಯೋಗ ಕ್ಷೇಮವನ್ನು ನೋಡಿಕೊಳ್ಳುವುದು  ನಮ್ಮೆಲ್ಲರ  ಜವಾಬ್ದಾರಿಯಾಗಿದೆ ಎಂದರು.    

ನಗರದ ಅಶೋಕ್ ವೃತ್ತ, ಜವಾಹರ ರಸ್ತೆ, ಬಸ್ ನಿಲ್ದಾಣ  ಹಾಗೂ ಜಿಲ್ಲಾಸ್ಪತ್ರೆ ಮುಂತಾದ ಕಡೆಗಳಲ್ಲಿ ಕರ್ತವ್ಯ ನಿರತರಾದ ಪೊಲೀಸ್ ಸಿಬ್ಬಂದಿಗೆ ಎಳೆ ನೀರು ವಿತರಿಸಿದರು.    

ಈ ಸಂದರ್ಭದಲ್ಲಿ ಡಿವೈಎಸ್ಪಿ ವೆಂಕಟಪ್ಪ ನಾಯಕ, ಯುವ ಮುಖಂಡ ಶಿವಕುಮಾರ ಕುಕನೂರು ಉಪಸ್ಥಿತರಿದ್ದರು.