ಗದಗ 28: ಜಿಲ್ಲೆಯ  ಅಂಗನವಾಡಿ ಕೇಂದ್ರಗಳಿಗೆ ಬರುವ  ಮಕ್ಕಳಿಗೆ ವಿತರಿಸಲಾಗುತ್ತಿರುವ   ಆಹಾರದ ಗುಣಮಟ್ಟ ಮತ್ತು ಮಕ್ಕಳ ತೂಕ ಪರೀಕ್ಷೆ  ಕುರಿತು     ಕಾಲಕಾಲಕ್ಕೆ  ತಪಾಸಣೆ ನಡೆಸಿ ಮಕ್ಕಳ ಆರೋಗ್ಯದ ಕಡೆಗೆ ಗಮನಹರಿಸಬೇಕು  ಎಂದು ಗದಗ ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಎಸ್.ಪಿ. ಬಳಿಗಾರ ಅವರು ಸೂಚಿಸಿದರು.  

        ಗದಗ   ಜಿಲ್ಲಾ ಪಂಚಾಯತ ಸಭಾಂಗಣದಲ್ಲಿಂದು ಕರ್ನಾಟಕ  ಅಭಿವೃದ್ಧಿ ಕಾರ್ಯಕ್ರಮಗಳ ಪ್ರಗತಿ ವರದಿ ಕುರಿತು ಮಾಸಿಕ ಪ್ರಗತಿ ಪರಿಶೀಲನಾ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

       ಜಿಲ್ಲೆಯಲ್ಲಿ   ಎಸ್.ಎಸ್.ಎಲ್.ಸಿ ಪರೀಕ್ಷೆಯಲ್ಲಿ ಉತ್ತಮ ಫಲಿತಾಂಶ ಸುಧಾರಣೆಗಾಗಿ  ಪ್ರತಿ ವಿಷಯದ ಕುರಿತು ತಜ್ಞರಿಂದ ತಿಳುವಳಿಕೆ ನೀಡಲು ವಿದ್ಯಾರ್ಥಿಗಳ ಸಮಸ್ಯೆಗೆ ಉತ್ತರ ಕಂಡುಕೊಳ್ಳಲು   ನೇರ  ಫೋನ್ ಇನ್  ಕಾರ್ಯಕ್ರಮವನ್ನು ಆಯೋಜಿಸಿರುವುದು ಉತ್ತಮ ಕೆಲಸ  ಹಾಗೂ ಪ್ರೌಢಶಾಲೆಯಲ್ಲಿನ ವಿದ್ಯಾರ್ಥಿಗಳಿಗೆ ಕನ್ನಡ ಮತ್ತು ಇಂಗ್ಲೀಷ್ ಭಾಷೆಯ ವ್ಯಾಕರಣ ಸೇರಿದಂತೆ ಗುಣಮಟ್ಟದ ಕಲಿಕೆಗೆ   ಹೆಚ್ಚಿನ ಒತ್ತನ್ನು ನೀಡಬೇಕು.    ವಿದ್ಯಾರ್ಥಿ ಗಳ ಕಲಿಕಾ ಸಾಮಥ್ರ್ಯ ಕುರಿತು  ಹೆಚ್ಚು ಗಮನಹರಿಸಬೇಕು ಎಂದು  ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪ ನಿದರ್ೇಶಕರಿಗೆ    ಎಂದು ಎಸ್.ಪಿ. ಬಳಿಗಾರ  ಸೂಚಿಸಿದರು. 

     ಪ್ರವಾಹ ಪೀಡಿತ  ಪ್ರದೇಶಗಳ ಶಾಲಾ ವಿದ್ಯಾಥರ್ಿಗಳಿಗೆ ಸಮವಸ್ತ್ರ ಹಾಗೂ ಪುಸ್ತಕಗಳ ವಿತರಣೆಗೆ  ಅಗತ್ಯದ ಕ್ರಮ  ಜರುಗಿಸಬೇಕು.  ಜಿಲ್ಲೆಯಲ್ಲಿನ ಸಮಾಜ ಕಲ್ಯಾಣ ಇಲಾಖೆ ಹಾಗೂ ಹಿಂದುಳಿದ ವರ್ಗಗಳ  ವಸತಿ ನಿಲಯಗಳಲ್ಲಿ ವಿದ್ಯಾರ್ಥಿ ಗಳಿಗೆ ಮೂಲಭೂತ ಸೌಲಭ್ಯಗಳ ಕುರಿತಂತೆ ನಿಗದಿತ      ತಪಾಸಣೆ ನಡೆಸಬೇಕು ಎಂದು ಗದಗ ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷೆ ಶ್ರೀಮತಿ ಶಕುಂತಲಾ ಮೂಲಿಮನಿ ನುಡಿದರು.   

      ಹತ್ತನೇ ತರಗತಿ ವಿದ್ಯಾಥರ್ಿಗಳಿಗೆ ಪಾಕ್ಷಿಕ ಪರೀಕ್ಷೆ  ಪ್ರತಿ 2ನೇ ಮತ್ತು 4 ನೇ ಶನಿವಾರದಂದು ನಡೆಸಲಾಗುತ್ತಿದೆ.  ಈಗಾಗಲೇ 4ಪಾಕ್ಷಿಕ ಪರೀಕ್ಷೆಗಳನ್ನು ಕೈಗೊಳ್ಳಲಾಗಿದೆ.  ಎಸ್.ಎಸ್.ಎಲ್.ಸಿ. ಪರೀಕ್ಷೆ ಫಲಿತಾಂಶ ಸುಧಾರಣೆಗಾಗಿ ನೇರ ಫೋನ್ ಇನ್,  ರಸಪ್ರಶ್ನೆ ಕಾರ್ಯಕ್ರಮ,  ಸೆಮಿನಾರ್,  ಗುಂಪು ಅಧ್ಯಯನ, ವಿಶೇಷ ತರಗತಿ ನಡೆಸುವ ಕಾರ್ಯಕ್ರಮಗಳನ್ನು ಪ್ರತಿ ಶನಿವಾರ ನಡೆಸಲಾಗುತ್ತಿದೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಎನ್.ಎಚ್. ನಾಗೂರ   ಸಭೆಗೆ ತಿಳಿಸಿದರು.   

      ನೆರೆ ಪೀಡಿತ ಗ್ರಾಮಗಳಲ್ಲಿನ  ಶಾಲಾ ಕಟ್ಟಡಗಳ ಕುಸಿತ  ಕುರಿತು ಪರಿಶೀಲಿಸಿ ತಾತ್ಕಾಲಿಕ ಶೆಡ್ಡುಗಳ  ವ್ಯವಸ್ಥೆ ಮಾಡಲು  ಜೊತೆಗೆ ನೆರೆ ಪೀಡಿತ  ಗ್ರಾಮಗಳಲ್ಲಿನ ಸ್ವಚ್ಛತೆ, ಆರೋಗ್ಯ, ಮೂಲಭೂತ ಸೌಕರ್ಯ ದುರಸ್ತಿ ಅಥವಾ ಹೊಸದಾಗಿ ನಿಮರ್ಾಣಕ್ಕೆ ಹಾಗೂ ಜಾನುವಾರುಗಳಿಗೆ    ಒಣ ಮೇವನ್ನು  ಶೀಘ್ರದಲ್ಲೆ ವಿತರಿಸಲು ಕ್ರಮ ಜರುಗಿಸಬೇಕೆಂದು ಜಿ.ಪಂ. ಅಧ್ಯಕ್ಷರು ತಿಳಿಸಿದರು.  

ಜಿಲ್ಲೆಯ ರೈತರಿಗೆ ಸಿರಿಧಾನ್ಯ ಬೆಳೆಯಲು ವ್ಯಾಪಕ ಪ್ರಚಾರ ಕೈಗೊಳ್ಳಲಾಗಿದೆ.  ರೈತರಿಗೆ ಬೇಕಾಗಿರುವ ಬೀಜ ಮತ್ತು ರಸಗೊಬ್ಬರಗಳನ್ನು  ಅಗತ್ಯ ಪ್ರಮಾಣದಲ್ಲಿ  ದಾಸ್ತಾನು ಮಾಡಲಾಗಿದೆ.   ಬೇಡಿಕೆ ಇರುವ ಬೀಜಗಳನ್ನು ರೈತರಿಗೆ ವಿತರಣೆ ಮಾಡಲಾಗುತ್ತಿದೆ  ಎಂದು ಜಂಟಿ ಕೃಷಿ ನಿದರ್ೇಶಕ  ಟಿ.ಎಸ್. ರುದ್ರೇಶ   ತಿಳಿಸಿದರು.

       ಸಭೆಯಲ್ಲಿ  ರೈತರಿಗೆ ತಾಡಪತ್ರಿ ವಿತರಣೆ,  ಶುದ್ಧ ಕುಡಿಯುವ ನೀರಿನ ಘಟಕಗಳ ದುರಸ್ತಿ, ನೆಡುತೋಪುಗಳ ನಿರ್ಮಾಣ ,    ವಿಕಲಚೇತನರಿಗೆ  ಸಾಧನ ಸಲಕರಣೆ ವಿತರಣೆ, ಜಾನುವಾರುಗಳಿಗೆ ಲಸಿಕೆ ಕಾರ್ಯಕ್ರಮಗಳ ಸೇರಿದಂತೆ   ವಿವಿಧ ಇಲಾಖೆಗಳ ಪ್ರಗತಿ ಪರಿಶೀಲಿಸಲಾಯಿತು.   

      ಸಭೆಯಲ್ಲಿ   ಜಿಲ್ಲಾ ಪಂಚಾಯತ್    ಸಾಮಾಜಿಕ ನ್ಯಾಯ  ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಹನುಮಂತಪ್ಪ ಪೂಜಾರ,   ಕೃಷಿ ಮತ್ತು ಕೈಗಾರಿಕಾ ಸ್ಥಾಯಿ  ಸಮಿತಿ ಅಧ್ಯಕ್ಷ ಈರಪ್ಪ ನಾಡಗೌಡ್ರ, ಜಿ.ಪಂ. ಉಪಕಾರ್ಯದರ್ಶಿ  ಪ್ರಾಣೇಶ ರಾವ್,  ಜಿ.ಪಂ. ಯೋಜನಾ ನಿರ್ದೇಶಕ ಟಿ. ದಿನೇಶ,  ಹಾಗೂ  ವಿವಿಧ ಇಲಾಖೆಯ ಹಿರಿಯ  ಅಧಿಕಾರಿಗಳು  ಭಾಗವಹಿಸಿದ್ದರು.