ಸರ್ಕಾರಿ ನೌಕರರ ಸಂಘದ ನೂತನ ಅಧ್ಯಕ್ಷರಾಗಿ ಅಯ್ಯನಗೌಡರ ಕೊಟ್ರಗೌಡ ಆಯ್ಕೆ  

ಹೂವಿನ ಹಡಗಲಿ 16 : ತಾಲೂಕು ಸರ್ಕಾರಿ ನೌಕರರ ಸಂಘದ ನೂತನ ಅಧ್ಯಕ್ಷರಾಗಿ ಅಯ್ಯನಗೌಡರ ಕೊಟ್ರಗೌಡ ಆಯ್ಕೆ ಆಗಿದ್ದಾರೆ ಎಂದು ಚುನಾವಣಾ ಅಧಿಕಾರಿ ಎಂ ಪಿ ಎಂ ಪಕ್ಕೀರಗೌಡ ತಿಳಿಸಿದರು.ಇಂದು ಸರ್ಕಾರಿ ನೌಕರರ ಭವನದಲ್ಲಿ ನಡೆದ ಚುನಾವಣೆಯಲ್ಲಿ ನೂತನವಾಗಿ ಆಯ್ಕೆಯಾದ 32 ನೂತನ ನಿರ್ದೇಶಕರು ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದರು.ಅಧ್ಯಕ್ಷ ಸ್ಥಾನದ ಅಭ್ಯರ್ಥಿಗಳಾದ ಅಯ್ಯನಗೌಡರ ಕೊಟ್ರಗೌಡ (27) ಪ್ರತಿಸ್ಪರ್ಧಿ ವಿ ಬಿ ಜಗದೀಶ್ (7) ಮತಗಳನ್ನು ಪಡೆದರು.ತಾಲೂಕು ಶಾಖೆಯ ನೂತನ ಖಜಾಂಚಿ ಸ್ಥಾನಕ್ಕೆ ವೀರಣ್ಣನಾಯ್ಕ್‌ ಆಗಿದ್ದಾರೆ.ವೀರಣ್ಣ ನಾಯ್ಕ್‌ (22)ಪ್ರತಿಸ್ಪರ್ಧಿ ಶಿವಕುಮಾರ್ ಗಡ್ಡಿ (12) ಮತಗಳನ್ನು ಗಳಿಸಿದರು.ತಾಲೂಕು ಶಾಖೆಯ ರಾಜ್ಯ ಪರಿಷತ್ ಸದಸ್ಯರಾಗಿ ನಂಜುಂಡಪ್ಪ ನಿಲುಗಲ್ಲು ಆಯ್ಕೆ ಆಗಿದ್ದಾರೆ.ನಂಜುಂಡಪ್ಪ ನಿಲುಗಲ್ಲು (26)ಎದುರಾಳಿ ಜಗದೀಶ್ ಜಿ (8)ಮತ ಪಡೆದರು.ಚುನಾವಣೆ ಸಹಾಯಕರಾಗಿ ಕಿರಣ್ ಕುಮಾರ್,ಮಹಮದ್ ರಫಿ, ಸಿದ್ದಲಿಂಗೇಶ ಹಲಗಿ, ಪರುಶುರಾಮ ಕರ್ತವ್ಯ ನಿರ್ವಹಿಸಿದರು.