ಲೋಕದರ್ಶನ ವರದಿ 

ಹಾವೇರಿ  18:   ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರದ ನಿರ್ದೇಶನದನ್ವಯ  ಹಾವೇರಿ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ ಹಾಗೂ ಜಿಲ್ಲಾ ಕಾರಾಗೃಹದ ಸಹಯೋಗದಲ್ಲಿ  ಜಿಲ್ಲಾ ಕಾರಾಗೃಹದ ಹೊರಗಡೆ ಆವರಣದಲ್ಲಿ ‘ಮುಲಾಕತ್ ಸೇ ನ್ಯಾಯತಕ್‌’ ಎಂಬ ಘೋಷವಾಕ್ಯದಡಿ ಉಚಿತ ಕಾನೂನು ಅರಿವು ಹಾಗೂ ನೆರವು ಕೇಂದ್ರ ಆರಂಭಿಸಲಾಗಿದೆ ಎಂದು  ಹಿರಿಯ ದಿವಾಣಿ ನ್ಯಾಯಾಧೀಶರು ಹಾಗೂ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಗಳಾದ ಶ್ರೀಮತಿ ಶ್ರೀಶೈಲಜಾ ಎಚ್‌.ವಿ. ಅವರು ತಿಳಿಸಿದ್ದಾರೆ. 

ಈ ಕೇಂದ್ರದಲ್ಲಿ ಬಂಧಿನಿವಾಸಿಗಳ ಸಂಬಂಧಿಕರು, ಬಂಧಿನಿವಾಸಿಗಳನ್ನು ಭೇಟಿಯಾಗಲು ಬಂದಂತಹ ಅವರ ಹಿತೈಶಿಗಳು, ಬಂದಿಗಳು, ಆರೋಪಿಗಳು ಉಚಿತ ಕಾನೂನು  ಮಾಹಿತಿ ಹಾಗೂ ನೆರವು ಪಡಯಬಹುದು.  ಈ ಕೇಂದ್ರಕ್ಕೆ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಪೆನಲ್ ವಕೀಲ ವಿ.ಎಂ.ನಾಡಗೌಡ್ರ, ಅರೆಕಾಲಿಕ ಸ್ವಯಂ ಸೇವಕರಾದ ಚಂದ್ರಶೇಖರ ಮಾಳಗಿ,  ಗಂಗಾಧರ ನಾವೆ, ಜಿಲ್ಲಾ ಕಾರಾಗೃಹದ  ವಾರ್ಡ್‌ನ್ ವೃಷಭ ಖ್ಯಾತನವರ ಅವರನ್ನು ನೇಮಕ ಮಾಡಲಾಗಿದೆ.  ಬೆಳಿಗ್ಗೆ 11 ರಿಂದ ಮಧ್ಯಾಹ್ನ 12-30ರವರೆಗೆ  ಹಾಗೂ ಸಾಯಂಕಾಲ 4 ರಿಂದ 5-30ರವರೆಗೆ    ಸಂಪರ್ಕಿಸಬಹುದು ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ..