ಬೆಳಗಾವಿ 27: ಯೂತ್ ಫಾರ್ ಸೇವಾ ಬೆಳಗಾವಿ ಜೆ,ಜಿ, ಏನ್, ಡಿ ಭರತೇಶ ಕಾಲೇಜು ಬೆಳಗಾವಿ ಸಂಯುಕ್ತಾಶ್ರಯದೊಂದಿಗೆ ಪರಿಸರ ಸಂರಕ್ಷಣೆ ಮತ್ತು ಅರಣ್ಯೀಕರಣದ ಉದ್ದೇಶದಿಂದ ಕಾಕತಿಯ ಹುಣಸೇವಾರಿ ಅರಣ್ಯ ಪ್ರದೇಶದಲ್ಲಿ ಬೀಜದುಂಡೆ ತಯಾರಿಕೆ ಮತ್ತು ವೃಕ್ಷಾರೋಪಣ" ಬೃಹತ್ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.ಈ ವಿಶೇಷ ಅಭಿಯಾನದಲ್ಲಿ ಯೂತ್ ಫಾರ್ ಸೇವಾ ಸಂಸ್ಥೆಯ ಸ್ವಯಂಸೇವಕರು ಹಾಗೂ ಭರತೇಶ ಕಾಲೇಜಿನ ಸ್ವಯಂಸೇವಕರು ಅತ್ಯಂತ ಉತ್ಸಾಹದಿಂದ ಭಾಗವಹಿಸಿ, 1800 ಕ್ಕೂ ಹೆಚ್ಚು ವಿವಿಧ ಸ್ಥಳೀಯ ಗಿಡಗಳ ಆಯ್ಕೆ: ಮಳೆಗಾಲದಲ್ಲಿ ಸುಲಭವಾಗಿ ಚಿಗುರೊಡೆಯುವ ಹಾಗೂ ಸ್ಥಳೀಯ ವಾತಾವರಣಕ್ಕೆ ಸೂಕ್ತವಾದ ಆಲ, ಬಸರಿ, ಬೇವಿನಂತಹ ವಿವಿಧ ಉಪಯುಕ್ತ ಮರಗಳ ಬೀಜಗಳನ್ನು ಈ ಬೀಜದುಂಡೆಗಳಲ್ಲಿ ಬಳಸಲಾಯಿತು. ಬೀಜದುಂಡೆಗಳನ್ನು ಸಿದ್ಧಪಡಿಸಿ, ಹುಣಸೇವಾರಿ ಅರಣ್ಯದಲ್ಲಿ ಬಿತ್ತನೆ ಮಾಡಲಾಯಿತು.

ಕಾರ್ಯಕ್ರಮದ ಕುರಿತು ಮಾತನಾಡಿದ ಯೂತ್ ಫಾರ್ ಸೇವಾ ಸಂಸ್ಥೆಯ ಜಿಲ್ಲಾ ಸಂಯೋಜಕರಾದ ಶ್ರೀ ಸಂತೋಷ ಖೋತ ಅವರು ಮಳೆಗಾಲದ ಈ ಸಮಯದಲ್ಲಿ ಬೀಜದುಂಡೆಗಳನ್ನು ತಯಾರಿಸಿ ಅರಣ್ಯ ಪ್ರದೇಶಗಳಲ್ಲಿ ಬಿತ್ತನೆಮಾಡುವುದರಿಂದ ಅಥವಾ ನೆಡುವುದರಿಂದ ಯಾವುದೇ ಹೆಚ್ಚಿನ ವೆಚ್ಚವಿಲ್ಲದೆ ನೈಸರ್ಗಿಕವಾಗಿ ಸಾವಿರಾರು ಗಿಡಗಳನ್ನು ಬೆಳೆಸಬಹುದೆಂದು ಯುವಜನತೆಯಲ್ಲಿ ಪರಿಸರ ಕಾಳಜಿ ಮೂಡಿಸುವುದು ಹಾಗೂ ಪರಿಸರ ಸಂರಕ್ಷಣೆ ಮಾಡುವುದು ಈ ಕಾರ್ಯಕ್ರಮದ ಮುಖ್ಯ ಉದ್ದೇಶವಾಗಿದೆ, ಎಂದು ತಿಳಿಸಿದರು.ಈ ಸಂದರ್ಭದಲ್ಲಿ ಜಿಲ್ಲಾ ಸಂಯೋಜಕರಾದ ಶ್ರೀ ಸಂತೋಷ ಖೋತ ಹಾಗೂ ಎನ್ ಎಸ್ ಎಸ್ ಸಂಯೋಜಕರಾದ ಶ್ರೀ ಯಲಪ್ಪ ದಬಾಲಿ ಹಾಗೂ ಸ್ವಯಂಸೇವಕರಾದ ಸಮೀಕ್ಷಾ, ಚೈತ್ರಾ, ಪೃಥ್ವಿ, ಭಾಗ್ಯಶ್ರೀ, ಮೇಘಾ, ರಂಜಿತಾ, ಹರ್ಷಿಣಿ, ರೇಣುಕಾ ಮನೀಶ್, ಸವಿತಾ, ಮನಿಷಾ ಇನ್ನು ಹಲವಾರು ಸ್ವಯಂ ಸೇವಕರು ಉಪಸ್ಥಿತರಿದ್ದರು.