ಲೋಕದರ್ಶನ ವರದಿ 

ಯರಗಟ್ಟಿ 26: ಸಹಕಾರ ಸಂಘಗಳ ಅಭಿವೃದ್ಧಿಗೆ ಎಲ್ಲ ನಿರ್ದೇಶಕರು ಒಗ್ಗಟಿನಿಂದ ಶ್ರಮಿಸಬೇಕು ಎಂದು ಶಾಸಕ ವಿಶ್ವಾಸ ವೈದ್ಯ ಹೇಳಿದರು. 

ಸಮೀಪದ ಮಬನೂರ ಗ್ರಾಮದ ವಿವಿದ್ದೋದ್ಧೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದ ಸಭಾ ಭವನದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಸಾಲ ವಿತರಣಾ ಸಮಾರಂಭದಲ್ಲಿ ಸಾಲಗಾರರಿಗೆ ಸಾಲ ವಿತರಿಸಿ ಮಾತನಾಡಿ, ಕ್ಷೇತ್ರದ ಅನ್ನದಾತರ ಅಭಿವೃದ್ಧಿಗಾಗಿ ನಮ್ಮ ಸರ್ಕಾರ ಮತ್ತು ನಾನು ಸದಾ ನಿಮ್ಮ ಜೋತೆಗೆ ಇರುತ್ತೆನೆ. ಈ ಸಾಲ ಸೌಲಭ್ಯದ ಸದುಪಯೋಗವನ್ನು ಪ್ರತಿಯೊಬ್ಬ ರೈತರು ಪಡೆದುಕೊಂಡು ಕೃಷಿಯಲ್ಲಿ ಮತಷ್ಟು ಪ್ರಗತಿ ಸಾಧಿಸಲಿ ಎಂದು ಹೇಳಿದರು. 

ತಾಲೂಕಾ ಕಾಂಗ್ರೆಸ್ ಮುಖಂಡ ಆರ್‌.ಕೆ.ಪಟಾತ ಮಾತನಾಡಿ, ಸಾಲಗಾರರು ಪಡೆದ ಸಾಲವನ್ನು ಸಕಾಲದಲ್ಲಿ ಮರುಪಾವತಿ ಮಾಡಿದರೆ ಠೇವುದಾರರಿಗೆ ಹಣ ಮರಳಿ ಕೊಡಲು ಅನುಕೂಲವಾಗುತ್ತದೆ ಎಂದು ಹೇಳಿದರು. 

ಸಂಘದ ಅಧ್ಯಕ್ಷ ಮಹಾದೇವ ಪಟಾತ್, ಜಿಪಂ ಮಾಜಿ ಸದಸ್ಯ ಫಕೀರ​‍್ಪ ಹದ್ದನ್ನವರ, ಬ್ಯಾಂಕ ನೀರೀಕ್ಷಕ ಎಸ್‌.ಎನ್‌.ಸಿದ್ದನ್ನವರ, ತಾಲೂಕ ನಿಯಂತ್ರನಾಧಿಕಾರಿ ಚಂದ್ರಶೇಖರ ಕೊರಿ, ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಕುಮಾರ ಅಂಗಡಿ, ವಾಯ್,ಎಸ್,ನರಿ, ಭೀಮಪ್ಪ ಮಳಗಲಿ, ಶಿವಪ್ಪ ಅಗಸಿಮನಿ, ಭೀಮಪ್ಪ ಚುಂಚನೂರ, ವಿಠ್ಠಲ ಮಾದರ, ಹನಮಂತ ಅಗಸಿಮನಿ, ನಿಂಗಪ್ಪ ನರಿ, ರಮೇಶ ಪಟಾತ, ಸಿದ್ದಪ್ಪ ಮಳಗಲಿ, ಪುಂಡಲೀಕ ಮಳಗಲಿ ಮತ್ತಿತರಿದ್ದರು.