ಗದಗ 24: ಹೆಣ್ಣು ಮಕ್ಕಳು ಪ್ರತಿಯೊಂದು  ರಂಗದಲ್ಲಿ ಮುಂಚೂಣಿಯಲ್ಲಿದ್ದು ಸಮರ್ಥ ರಾಷ್ಟ್ರ  ನಿರ್ಮಾಣದಲ್ಲಿ ಪಾಲ್ಗೊಳ್ಳಬೇಕು ಎಂದು ಗದಗ ಜಿಲ್ಲಾಧಿಕಾರಿ ಎಂ.ಜಿ. ಹಿರೇಮಠ ನುಡಿದರು.

ಗದಗ ಬೆಟಗೇರಿ ನಗರದ  ಡಾ. ಬಿ.ಆರ್. ಅಂಬೇಡ್ಕರ ಭವನದಲ್ಲಿ  ಗದಗ  ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಿಂದ   ಮಗಳನ್ನು ಉಳಿಸಿ ಮಗಳನ್ನು ಓದಿಸಿ ಯೋಜನೆಯ ಸಪ್ತಾಹ ಕಾರ್ಯಕ್ರಮದಡಿ ರಾಷ್ಟ್ರೀಯ ಹೆಣ್ಣು ಮಕ್ಕಳ ದಿನಾಚರಣೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.  

ಲಿಂಗಾನುಪಾತ ತಾರತಮ್ಯ ಹೊಡೆದೊಡಿಸಲು  ಬೇಟಿ ಬಚಾವೋ ಬೇಟಿ ಪಡಾವೋ ಕೇಂದ್ರ ಸರ್ಕಾರದ  ಯೋಜನೆ ಜಾರಿಯಲ್ಲಿದೆ.  ಗದಗ ಜಿಲ್ಲೆಯು ಈ ಯೋಜನೆಯ ಅನುಷ್ಟಾನದಲ್ಲಿ ರಾಷ್ಟ್ರ ಮಟ್ಟದಲ್ಲಿ ಗುರುತಿಸಲ್ಪಟ್ಟಿದೆ. ದೇಶದಲ್ಲಿ ಮಹಿಳಾ ಸಾಕ್ಷರತೆ ಪ್ರಮಾಣ  ಶೇಕಡ  65 ರಷ್ಟಿದೆ.  ಉದ್ಯೋಗ ಹಾಗೂ ಉದ್ದಿಮೆ   ಕ್ಷೇತ್ರದಲ್ಲಿ ಗಣನೀಯ ಸಾಧನೆ ಇದೆ. ಮಂಗಳಯಾನ  ಯಶಸ್ಸಿನಲ್ಲಿ ಬಹಳಷ್ಟು ಮಹಿಳಾ ವಿಜ್ಞಾನಿಗಳು ಇದ್ದಾರೆ. 1951 ರ ಲೋಕಸಭಾ ಸದಸ್ಯ ಸ್ಥಾನದಲ್ಲಿ 28 ಮಹಿಳೆಯರಿದ್ದರೆ ಪ್ರಸ್ತುತ 2019 ಲೋಕಸಭಾ  ಸದಸ್ಯರಾಗಿ 78 ಜನ ಮಹಿಳೆಯರು ಆಯ್ಕೆಯಾಗಿದ್ದಾರೆ.   ಜಿಲ್ಲಾ, ತಾಲೂಕು ಮತ್ತು ಗ್ರಾಮ ಪಂಚಾಯತ್, ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲೂ  ಮಹಿಳೆಯರಿಗೆ ಸ್ಥಾನಗಳನ್ನು ಮೀಸಲಿಟ್ಟಿದೆ.  ಹೆಣ್ಣು ಮಕ್ಕಳಿಗಾಗಿ ಸುಕನ್ಯಾ ಸಮೃದ್ಧಿ,  ಮುದ್ರಾ ಯೋಜನೆ ಸೇರಿದಂತೆ ಸಕರ್ಾರಿ ವಿವಿಧ ಯೋಜನೆಗಳು ಜಾರಿಯಲ್ಲಿದ್ದು ಅವುಗಳ ಸದ್ಭಳಕೆಯನ್ನು ಮಾಡಿಕೊಳ್ಳಬೇಕೆಂದು  ಜಿಲ್ಲಾಧಿಕಾರಿಗಳು ತಿಳಿಸಿದರು.   

ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿದರ್ೇಶಕಿ ಡಾ. ಎಚ್.ಎಚ್.ಕುಕನೂರ ಪ್ರಾಸ್ತಾವಿಕವಾಗಿ  ಮಾತನಾಡಿ  ಸಮಾಜದ ಅನಿಷ್ಟ ಪದ್ಧತಿಗಳಾದ ಬಾಲ್ಯ ವಿವಾಹ, ಹೆಣ್ಣು ಭ್ರೂಣ ಹತ್ಯೆ ಗಳ ತಡೆಗೆ   ನಗರ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ ಸಮುದಾಯಗಳ ಮುಖಾಂತರ   ಅರಿವು ಮೂಡಿಸುವ ಕೆಲಸವಾಗಬೇಕು ಎಂದರು.

ಜಿ.ಪಂ. ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಆನಂದ್ ಕೆ,  ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿ ಬೇಟಿ ಬಚಾವೋ ಬೇಟಿ ಪಡಾವೋ  ಕೇಂದ್ರ ಸರ್ಕಾರದ ಮಹಾತ್ವಾಕಾಂಕ್ಷಿ ಯೋಜನೆಯಾಗಿದ್ದು,   ಉತ್ತಮ ಭವಿಷ್ಯಕ್ಕಾಗಿ ಹೆಣ್ಣು ಮಕ್ಕಳನ್ನು ರಕ್ಷಿಸುವುದು  ಪ್ರತಿಯೊಬ್ಬರ ಕರ್ತವ್ಯವಾಗಿದೆ  ಎಂದರು. ಕೆ.ಎಲ್. ಇ ಕಾಲೇಜಿನ  ಡಾ. ವೀಣಾ ಹೂಗಾರ ಅವರು ಉಪನ್ಯಾಸ ನೀಡಿ  ಹೆಣ್ಣು ಅಬಲೆಯಲ್ಲ ಸಬಲೆ. ತೊಟ್ಟಿಲನ್ನು ತೂಗುವ ಕೈಗಳು ಜಗತ್ತನ್ನೇ  ಆಳಬಲ್ಲದು ಎಂಬುದನ್ನು ಮಹಿಳೆಯರು ತೋರಿಸಿಕೊಟ್ಟಿದ್ದಾರೆ.    ಗಂಡು ಹೆಣ್ಣು  ಸಮಾನತೆ ಯಿದ್ದರೆ ರಾಷ್ಟ್ರ ಅಭಿವೃದ್ಧಿ ಹೊಂದಲು ಸಾಧ್ಯ ಎಂದರು.

ಸಮಾರಂಭದಲ್ಲಿ  ಜನೆವರಿ ಮಾಹೆಯಲ್ಲಿ ಜನಿಸಿರುವ 5 ವರ್ಷದೊಳಗಿನ  ಹೆಣ್ಣು  ಮಕ್ಕಳ ಜನ್ಮ, ದಿನವನ್ನು ಕೇಕ್ ಕತ್ತರಿಸುವ ಮೂಲಕ ಆಚರಿಸಲಾಯಿತು.  2 ಹೆಣ್ಣು ಮಕ್ಕಳನ್ನು ಪಡೆದು ಕುಟುಂಬ ಯೋಜನೆಗೆ ಒಳಗಾದ  ತಾಯಂದಿರಿಗೆ  ಸನ್ಮಾನಿಸಲಾಯಿತು.  ಮನೆಗೆ ಮಗಳ ಹೆಸರಿನ   ನಾಮಫಲಕ ಅಳವಡಿಸಲು  ಪಾಲಕರಿಗೆ ಸಾಂಕೇತಿಕವಾಗಿ  ನಾಮಫಲಕ  ವಿತರಿಸಲಾಯಿತು. ಜಿಲ್ಲೆಯಲ್ಲಿ  2018-19 ನೇ ಸಾಲಿನಲ್ಲಿ 5ರಿಂದ 6 ನೇ ತರಗತಿ, 7 ರಿಂದ 9 ನೇ ತರಗತಿ,  10ರಿಂದ  12 ನೇ ತರಗತಿಗೆ ಶೇ 100 ರಷ್ಟು ಹೆಣ್ಣು ಮಕ್ಕಳ ಶಿಕ್ಷಣ ಪ್ರಗತಿ ಇರುವ  ಶಾಲಾ ಮುಖ್ಯಸ್ಥರಿಗೆ ಪ್ರೋತ್ಸಾಹ ಧನದ ಚೆಕ್ ವಿತರಿಸಲಾಯಿತು.    

ಬೇಟಿ ಬಚಾವೋ ಬೇಟಿ ಪಡಾವೋ ಯೋಜನೆ ಕುರಿತು ಬೆಳದಡಿ ತಾಂಡಾ  ಹೆಣ್ಣು ಮಕ್ಕಳು ಲಿಂಗ ಪಕ್ಷಪಾತ ನಿಲ್ಲಿಸಬೇಕು ಎನ್ನುವ ಸಂದೇಶ ಸಾರುವ ನಾಗಾವಿ ತಾಂಡಾ ಹೆಣ್ಣು ಮಕ್ಕಳಿಂದ  ನೃತ್ಯ ಕಾರ್ಯಕ್ರಮಗಳು ಜರುಗಿದವು.  ಮಲ್ಲಪ್ಪ ಹೊಸಳ್ಳಿ  ಬೇಟಿ ಬಚಾವೋ ಬೇಟಿ ಪಡಾವೋ  ಯೋಜನೆಯ ಸಂದೇಶ ಸಾರುವ  ಪ್ರತಿಜ್ಞಾ ವಿಧಿ ಬೋಧಿಸಿದರು. 

 ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದಶರ್ಿ ಎಸ್.ಜಿ. ಸಲಗರೆ,  ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿ ಸದಸ್ಯರಾದ ಮಂಜುನಾಥ ಬಮ್ಮನಕಟ್ಟಿ,  ಪ್ರಥಮ ದಜರ್ೆ ಮಹಿಳಾ  ಕಾಲೇಜಿನ   ಪ್ರಾಚಾರ್ಯ ಪ್ರಕಾಶ ದೇಶಪಾಂಡೆ, ಅಂಚೆ ಇಲಾಖೆಯ ಸುಭಾಷ ಮೋಟಮ್ಮನವರ,  ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿ  ಶೈಲಾ,  ಸಿ.ಎಸ್. ಬೊಮ್ಮನಹಳ್ಳಿ, ವಿವಿಧ ಸ್ತ್ರೀ ಶಕ್ತಿ ಸಂಘದವರು,  ವಿವಿಧ  ಶಾಲೆಗಳ ವಿದ್ಯಾಥರ್ಿನಿಯರು,  ತಾಯಂದಿರು, ಮಹಿಳಾ ಇಲಾಖೆ ಸೇರಿದಂತೆ ವಿವಿಧ ಇಲಾಖೆಗಳ  ಅಧಿಕಾರಿಗಳು, ಸಿಬ್ಬಂದಿ ಸಮಾರಂಭದಲ್ಲಿ ಭಾಗವಹಿಸಿದ್ದರು.  ಬಾಲಕಿಯ ಬಾಲ ಮಂದಿರದ ಮಕ್ಕಳು ನಾಡಗೀತೆ ಪ್ರಸ್ತುತಪಡಿಸಿದರು.    ಎಸ್.ಎಸ್. ಗೌಡರ ಕಾರ್ಯಕ್ರಮ ನಿರೂಪಿಸಿದರು.