ನವದೆಹಲಿ, ಏ 24, ದೇಶಾದ್ಯಂತ ಕರೋನ  ಸೋಂಕಿತರ ಸಂಖ್ಯೆ 23  ಸಾವಿರಕ್ಕೂ ಹೆಚ್ಚಿದ್ದು ಒಟ್ಟು ಈವರೆಗೆ 718 ಜನರು  ಮೃತಪಟ್ಟಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಶುಕ್ರವಾರ ಬೆಳಗಿನ ಮಾಹಿತಿಯಲ್ಲಿ   ತಿಳಿಸಿದೆ. ಇದೇ  ವೇಳೆ  4748ಕ್ಕೂ ಜನರು ಈವರೆಗೆ  ಸೋಂಕಿನಿಂದ ಪೂರ್ಣ  ಗುಣಮುಖರಾಗಿದ್ದಾರೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಅಧಿಕಾರಿಗಳು ಹೇಳಿದ್ದಾರೆ. ಲಾಕ್ ಡೌನ್ ಜಾರಿಯಾದ ಕಾರಣ ಕರೋನ ಸೋಂಕಿತರ ಸಂಖ್ಯೆ ತೀವ್ರಗತಿಯಲ್ಲಿ ಏರಿಕೆಯಾಗಿಲ್ಲ ಎಂದು ಸಚಿವಾಲಯ ಸ್ಪಷ್ಟಪಡಿಸಿದೆ. ಈವರೆಗೆ ದೇಶದಲ್ಲಿ  ಸೋಂಕಿತ ಸಂಖ್ಯೆ 23, 077 ಕ್ಕೆ ಏರಿಕೆಯಾಗಿದೆ ಎಂದು ಹೇಳಿದೆ.  ಮಹಾರಾಷ್ಟ್ರದಲ್ಲಿ ಅತಿ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದು, ನಂತರ  ದೆಹಲಿ,  ಮಧ್ಯಪ್ರದೇಶ ,  ರಾಜಸ್ತಾನದಲ್ಲಿ  ಹೆಚ್ಚಿನ ಪ್ರಕರಣಗಳು ಈವರೆಗೆ ವರದಿಯಾಗಿದೆ.