ನವದೆಹಲಿ,  ಫೆ ೭, ತಮ್ಮ ಬಳಿ  ಕಾರ್ಯನಿರ್ವಹಿಸುತ್ತಿದ್ದ     ವಿಶೇಷಾಧಿಕಾರಿಯೊಬ್ಬ   ವ್ಯಕ್ತಿಯೊಬ್ಬರಿಂದ    ಲಂಚ ಪಡೆದುಕೊಳ್ಳುತ್ತಿದ್ದಾಗ     ಲಂಚದ  ಹಣದ ಸಮೇತ ಸಿಬಿಐ ಅಧಿಕಾರಿಗಳು   ಸೆರೆ ಹಿಡಿದಿರುವ  ಬಗ್ಗೆ    ದೆಹಲಿ ಉಪಮುಖ್ಯಮಂತ್ರಿ  ಮನಿಶ್  ಸಿಸೋಡಿಯಾ   ಪ್ರತಿಕ್ರಿಯಿಸಿದ್ದು,   ಸದರಿ  ಅಧಿಕಾರಿಯ  ವಿರುದ್ದ  ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಅವರು ಸಿಬಿಐಗೆ ಕೋರಿದ್ದಾರೆ.  ತಮ್ಮ  ಐದು ವರ್ಷಗಳ ಅಧಿಕಾರಾವಧಿಯಲ್ಲಿ ಇಂತಹ ಅನೇಕ ಭ್ರಷ್ಟ ಅಧಿಕಾರಿಗಳ   ಲಂಚ ಪಡಯುವಾಗ  ಸಿಕ್ಕಿಬಿದ್ದಿದ್ದಾರೆ  ಎಂದು ಹೇಳಿದ್ದಾರೆ.  

ದೆಹಲಿ ವಿಧಾನಸಭಾ ಚುನಾವಣೆಗೆ ಕೇವಲ ಎರಡು ದಿನಗಳಿರುವಾಗ   ತಮ್ಮ  ಓಎಸ್‌ಡಿಯನ್ನು ಬಂಧಿಸಿರುವುದು  ತೀವ್ರ ಕುತೂಹಲಕ್ಕೆ  ಕಾರಣವಾಗಿರುವ  ಹಿನ್ನಲೆಯಲ್ಲಿ  ಸಿಸೋಡಿಯಾ ಟ್ವಿಟರ್‌ನಲ್ಲಿ  ಈ  ಪ್ರತಿಕ್ರಿಯೆ ನೀಡಿದ್ದಾರೆ. ಲಂಚ ತೆಗೆದುಕೊಳ್ಳುತ್ತಿರುವ    ಓಎಸ್ ಡಿಯನ್ನು   ಸಿಬಿಐ ಬಂಧಿಸಿರುವ  ಮಾಹಿತಿ  ತಿಳಿದುಕೊಂಡಿದ್ದೇನೆ.  ಸದರಿ ಅಧಿಕಾರಿ ನನ್ನ ಕಚೇರಿಯಲ್ಲಿ ಓಎಸ್ಡಿ ಆಗಿ ಕೆಲಸ ಮಾಡುತ್ತಿದ್ದಾರೆ.  ಸಿಬಿಐ  ಆತನ   ವಿರುದ್ಧ ತಕ್ಷಣ   ಕಠಿಣ ಕ್ರಮ ಕೈಗೊಳ್ಳಬೇಕು. ಕಳೆದ ಐದು ವರ್ಷಗಳಲ್ಲಿ   ಇಂತಹ  ಅನೇಕ ಭ್ರಷ್ಟ ಅಧಿಕಾರಿಗಳು ಸಿಕ್ಕಿಬಿದ್ದಿದ್ದಾರೆ  ಎಂದು ಸಿಸೋಡಿಯಾ ಹೇಳಿದ್ದಾರೆ.