ನವದೆಹಲಿ, ಫೆ ೧೦, ಪರಿಶಿಷ್ಟಜಾತಿ ಮತ್ತು ಪಂಗಡಗಳ  ಮೇಲಿನ ದೌರ್ಜನ್ಯ ತಡೆ  ತಿದ್ದುಪಡಿ ಕಾಯ್ದೆಯನ್ನು ಸುಪ್ರೀಂ ಕೋರ್ಟ್  ಸೋಮವಾರ  ಎತ್ತಿಹಿಡಿದಿದೆ. ಕಾಯ್ದೆ  ಸಾಂವಿಧಾನಿಕ  ಸಿಂಧುತ್ವ   ಹೊಂದಿದೆ ಎಂಬುದು ಸ್ಪಷ್ಟಪಡಿಸಿದೆ. ಎಸ್‌ಸಿ ಎಸ್‌ಟಿ  ದೌರ್ಜನ್ಯ ತಡೆ    ಕಾಯ್ದೆಯಡಿ ದೂರು ದಾಖಲಿಸುವ ಮೊದಲು ಪ್ರಾಥಮಿಕ ತನಿಖೆ ಕಡ್ಡಾಯವಲ್ಲ ಎಂದು ಸುಪ್ರೀಂ ಕೋರ್ಟ್ ತೀರ್ಪು ನೀಡಿದೆ. ಎಫ್‌ ಐ ಆರ್‌ಗಳ ನೋಂದಣಿಗೆ ಹಿರಿಯ ಪೊಲೀಸ್ ಅಧಿಕಾರಿಯ  ಒಪ್ಪಿಗೆ   ಅಗತ್ಯವಿಲ್ಲ ಮತ್ತು    ಆರೋಪಿಗಳಿಗೆ   ನಿರೀಕ್ಷಣಾ   ಜಾಮೀನು  ಕಲ್ಪಿಸಬಾರದು ಎಂದು  ಕೇಂದ್ರ  ಸರ್ಕಾರ    ಕಾನೂನಿನ ತಿದ್ದುಪಡಿ  ತರಲಾಗಿತ್ತು.  

ಇಂತಹ  ಪ್ರಕರಣಗಳಲ್ಲಿ ಎಫ್‌ಐಆರ್  ದಾಖಲಿಸುವ ಮುನ್ನ   ಪೂರ್ವಭಾವಿ  ತನಿಖೆ ನಡೆಸಿ, ಆರೋಪಿಯ  ಬಂಧನಕ್ಕೆ ಮುನ್ನ ಮೇಲಾಧಿಕಾರಿಗಳ  ಅನುಮತಿ ಪಡೆದುಕೊಳ್ಳಬೇಕು  ಎಂದು  ೨೦೧೮ರ ಆಗಸ್ಟ್ ನಲ್ಲಿ   ಸುಪ್ರೀಂ ಕೋರ್ಟ್   ತೀರ್ಪು  ನೀಡಿತ್ತು.    ಆದರೆ  ಈ ತೀರ್ಪಿನ  ವಿರುದ್ದ   ದಲಿತ ಸಂಘಟನೆಗಳು ದೇಶಾದ್ಯಂತ  ಆಕ್ರೋಶ ವ್ಯಕ್ತಪಡಿಸಿದ  ನಂತರ ಕೇಂದ್ರ ಸರ್ಕಾರ   ೨೦೧೮ರಲ್ಲಿ  ಕಾಯ್ದೆಗೆ  ತಿದ್ದುಪಡಿ ತಂದು   ಸುಪ್ರೀಂ ಕೋರ್ಟ್ ತೀರ್ಪನ್ನು ಅಸಿಂಧುಗೊಳಿಸಿತ್ತು.