ಧಾರವಾಡ 24 : ನಗರದ ಯಾಲಕ್ಕಿಶೆಟ್ಟರ ಕಾಲೋನಿಯ ಬಸವೇಶ್ವರ ಭವನದಲ್ಲಿ ಕರ್ನಾಟಕ ರಾಜ್ಯ ಮಾದಿಗ ಮಹಾಸಭಾ ಆಶ್ರಯದಲ್ಲಿ ಶಿವಶರಣ ಮಾದಾರ ಚೆನ್ನಯ್ಯ ಅವರ ಜಯಂತಿ ಆಚರಿಸಲಾಯಿತು.  

ಮುಖ್ಯ ಎಂಜನೀಯರ್ ಹಯಾಳಪ್ಪ ಖದ್ರಾಪೂರ ಜಯಂತಿ ಉದ್ಘಾಟಿಸಿದರು. ವಿವಿಧ ವಿಷಯಗಳನ್ನು ಕೇಂದ್ರೀಕರಿಸಿ ಡಾ.ಮಾಲತೇಶ ಬಸಮ್ಮನವರ, ಡಾ.ಎಂ.ಜಿ.ಹರಿಹರ ಹಾಗೂ ಗುರುದೇವ ಕಳ್ಳಿಮನಿ ಮಾತನಾಡಿ, ಅನುಭವ ಮಂಟಪದಲ್ಲಿ ಮತ್ತು ತಮ್ಮ ವಚನಗಳಲ್ಲಿ ಅನುಭಾವದ ಚಿಂತಕರಾಗಿ ಶಿವಶರಣ ಮಾದಾರ ಚೆನ್ನಯ್ಯ ಅವರು ಎದ್ದುಕಾಣುತ್ತಾರೆ ಎಂದರು.  

ಇದೇ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ಮಾದಿಗ ಮಹಾಸಭಾದ ವಾರ್ಷಿಕ ಸರ್ವ ಸದಸ್ಯರ ಸಭೆಯೂ ಜರುಗಿತು. ಮಹಾಸಭಾ ಅಧ್ಯಕ್ಷ ಪಿ.ವೆಂಕಪ್ಪ ಅಧ್ಯಕ್ಷತೆವಹಿಸಿದ್ದರು. ಕ.ವಿ.ವಿ. ಸಿಂಡಿಕೇಟ ಸದಸ್ಯ ಮಹೇಶ ಹುಲ್ಲೆಣ್ಣವರ, ಶಿಕ್ಷಣ ಇಲಾಖೆಯ ನಿವೃತ್ತ ಪತ್ರಾಂಕಿತ ಅಧಿಕಾರಿ ಕೆ.ಎಸ್‌.ಬಂಗಾರಿ, ಆಂಜನೇಯ ಅರವೇಡ, ಕೆ.ಎಂ. ಪೂಜಾರ, ಮಹೇಶ ನಾಗಣ್ಣವರ, ಬಸವರಾಜ ಶಿವಪೂರ ಮಾದಿಗ ಮಹಾಸಭಾದ ವಿಭಿನ್ನ ಚಟುವಟಿಕೆಗಳ ಕುರಿತು ಮಾತನಾಡಿದರು. ವಿವಿಧ ನಿರ್ಣಯಗಳನ್ನು ಅಂಗೀಕರಿಸಲಾಯಿತು. 

ನಿವೃತ್ತ ಜೆ.ಡಿ. ಭೀಮಪ್ಪ, ಯಲ್ಲಪ್ಪ ಜಕನೂರ, ಪರಷುರಾಮ ಪೂಜಾರ, ತಿಪ್ಪಣ್ಣಾ ಕೊಣ್ಣೂರ, ಡಾ. ಮಲ್ಲಿಕಾರ್ಜುನ ಬ್ಯಾಲ್ಯಾಳ, ಡಾ. ಸದಾಶಿವ ನಡುವಿನಕೇರಿ, ಡಾ. ರಾಜು, ಡಾ. ಚಂದ್ರ​‍್ಪ, ವಕೀಲ ಶಿವಪ್ರಸಾದ ಕಾಲವಾಡ, ಲಕ್ಷ್ಮಣ ಟ್ಯಾಗೋರ, ಮೈಲಾರೆಪ್ಪ ಮಾದರ, ರಮೇಶ ಜಾಲಿಹಾಳ, ಸುರೇಶ ಪೂಜಾರ, ಮಹಾದೇವ ತಳವಾರ ಇತರರು ಇದ್ದರು. ಪಿ.ಡಿ. ಬಸನಾಳ ಶರಣರ ವಚನಗಳನ್ನು ಪ್ರಸ್ತುತಪಡಿಸಿದರು.