ಲೋಕದರ್ಶನ ವರದಿ

ಗದಗ 25: ನಗರದ ಗಂಗಾಪುರ ಪೇಟೆಯ ಶ್ರೀ ದುರ್ಗಾದೇವಿ   ಜಾತ್ರಾ ಮಹೋತ್ಸವ ಹಾಗೂ ರಥೋತ್ಸವವು ಗದಗ-ಬೆಟಗೇರಿ ಅವಳಿ ನಗರದ ಅತ್ಯಂತ ಪ್ರಸಿದ್ಧ ಹಾಗೂ ಐತಿಹಾಸಿಕ ಧಾರ್ಮಿಕ ಆಚರಣೆಗಳಲ್ಲಿ ಒಂದಾಗಿದೆ.ಪ್ರತಿ 3 ವರ್ಷಕ್ಕೊಮ್ಮೆ ಜರುಗುವ ಈ ಜಾತ್ರೆಯು ಹಿಂದಿನ ನಿಯಮಾವಳಿಗಳನ್ನ ಮುಂದುವರೆಸಿಕೊಂಡು ಬಂದಿರುವುದಾಗಿ ಶ್ರೀ ದುರ್ಗಾದೇವಿ ಜಾತ್ರಾ ಮಹೋತ್ಸವ ಸಮಿತಿ ಅಧ್ಯಕ್ಷ ಸಿದ್ದಪ್ಪ ಪಲ್ಲೇದ ತಿಳಿಸಿದರು.

ನಗರದ ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು ಜೂನ್ 28 ರಿಂದ ಜುಲೈ 13 ರ ವರೆಗೆ ಹೋಮ, ಧಾರ್ಮಿಕ, ಸಾಂಸ್ಕೃತಿಕ, ಆರೋಗ್ಯ ಶಿಬಿರ, ನಾಟಕ, ರೈತರಿಗೆ ಜಾಗೃತಿ ಕಾರ್ಯಕ್ರಮ, ಶ್ರೀ ದೇವಿಯ ಸಹಸ್ರ ನಾಮಾವಳಿ ಪಠಣ ಸೇರಿದಂತೆ ವಿವಿಧ ಮನರಂಜನೆ ಕಾರ್ಯಕ್ರಮ ಜರುಗುವವು. ನೂತನ ಶ್ರೀದೇವಿಯ 15 ಕೆಜಿ ಬೆಳ್ಳಿ  ಮೂರ್ತಿಯ ಪ್ರತಿಷ್ಠಾಪನೆ, ರಥೋತ್ಸವ, ಕಳಸಾರೋಹಣ, ಊರ ದೇವರಿಗೆ ಸಕಲ ಮಂಗಲ ವಾದ್ಯ ವೈಭವಗಳೊಂದಿಗೆ ಉಡಿ ತುಂಬುವುದು ಲಘು ರಥೋತ್ಸವ ಕಡುಬಿನ ಕಾಳಗ, ಸಾಮೂಹಿಕ ವಿವಾಹಗಳು,ಮಹಾ ಅನ್ನ ಸಂತರೆ​‍್ಣ ಜರುಗುವುದಾಗಿ ತಿಳಿಸಿದರು.

ಈ ದುರ್ಗಾದೇವಿ ಜಾತ್ರೆಯಲ್ಲಿ ಅನೇಕ ಧರ್ಮದವರು ಸದಸ್ಯರಾಗಿ ಸೇವೆ ಸಲ್ಲಿಸುತ್ತಿದ್ದು, ಕಮಿಟಿಯ ವಿರುದ್ಧ ಅವಹೇಳನಕಾರಿ ಮಾತುಗಳನ್ನ ರಾಜು ಖಾನಪ್ಪನವರ ಹೇಳುತ್ತಿದ್ದು, ಇವರ ವಿರುದ್ಧ ಗದಗ ಜಿಲ್ಲಾಧಿಕಾರಿಗಳಿಗೆ ಮನವಿ ಸಲ್ಲಿಸಿ ಜಿಲ್ಲೆಯಿಂದ ಗಡಿಪಾರು ಮಾಡುವಂತೆ ಆಗ್ರಹಿಸುವುದಾಗಿ ಇದೇ ತಿಳಿಸಿದರು.   ಪತ್ರಿಕಾ ಗೋಷ್ಠಿಯಲ್ಲಿ ಬಸವರಾಜ ಬೆಳಧಡಿ, ಅನಿಲಕುಮಾರ ಸಿದ್ದಮ್ಮನಹಳ್ಳಿ,ಯಮನಪ್ಪ ಗೋಬಿ, ಎಂ ಎಸ್ ಪಾಟೀಲ, ಈಶ್ವರ ಕೋಟಿ, ಬಸವರಾಜ ಹಿತ್ತಲಗುತ್ತಿ, ಸೋಮು ಚವಡಿ, ವೆಂಕಟೇಶ ಬಳ್ಳಾರಿ, ಶರಣಪ್ಪ ಗಾಣಿಗೇರ, ಪರಶುರಾಮ ಹಬೀಬ, ಬಸವರಾಜ ಅಣ್ಣಿಗೇರಿ, ದೇವಪ್ಪ ಮುದಕಟ್ಟಿ, ಹುಲಿಗೇಪ್ಪ ಜಡಿ, ಬಸಪ್ಪ ಶಿರೂರ, ಬಸವರಾಜ ಕವಳಿಕಾಯಿ, ಪ್ರದೀಪ ಗರಗ, ಯಲ್ಲಪ್ಪ ವಾಲಿಕಾರ, ಶರಣಪ್ಪ ಗಳಘಂಟಿ, ಮೋಹನ್ ಇಮ್ರಾಪುರ ಸೇರಿದಂತೆ ಇತರರಿದ್ದರು.