ನವದೆಹಲಿ, ಫೆ ೨೮ :   ಹಿರಿಯ  ಐಪಿಎಸ್ ಅಧಿಕಾರಿ  ಎಸ್.ಎನ್. ಶ್ರೀವಾಸ್ತವ ಅವರನ್ನು ದೆಹಲಿ ಪೊಲೀಸ್ ಆಯುಕ್ತರನ್ನಾಗಿ   ಕೇಂದ್ರ ಸರ್ಕಾರ  ನೇಮಿಸಿದೆ.     ಪ್ರಸ್ತುತ  ನಗರ ಪೊಲೀಸ್ ಆಯುಕ್ತರಾಗಿ  ಕಾರ್ಯನಿರ್ವಹಿಸುತ್ತಿರುವ ಅಮೂಲ್ಯ ಪಟ್ನಾಯಕ್  ಎತ್ತಂಗಡಿ ಮಾಡಲಾಗಿದ್ದು,  ಅವರು     ಶನಿವಾರ  ತಮ್ಮ ಹುದ್ದೆಯನ್ನು  ತ್ಯಜಿಸಲಿದ್ದಾರೆ.

ಈಶಾನ್ಯ ದೆಹಲಿಯಲ್ಲಿ  ಭುಗಿಲೆದ್ದ   ಘರ್ಷಣೆಗಳನ್ನು    ಹತೋಟಿಗೆ  ತರುವಲ್ಲಿ    ಪೊಲೀಸ್ ಆಯುಕ್ತ  ಅಮೂಲ್ಯ ಪಟ್ನಾಯಿಕ್   ಅವರ ವೈಫಲ್ಯದ  ಬಗ್ಗೆ   ತೀವ್ರ  ಟೀಕೆಗಳು  ಕೇಳಿ ಬಂದ  ಹಿನ್ನಲೆಯಲ್ಲಿ      ಪೊಲೀಸ್  ಆಯುಕ್ತ   ಸ್ಥಾನದಿಂದ  ಅವರನ್ನು  ಎತ್ತಂಗಡಿ  ಮಾಡಲಾಗಿದೆ. 

ಸಿಆರ್‌ಪಿಎಫ್‌ನಿಂದ    ಕರೆಸಿಕೊಂಡು   ವಿಶೇಷ ಆಯುಕ್ತರನ್ನಾಗಿ  ( ಶಾಂತಿ ಭದ್ರತೆ )  ಶ್ರೀವಾತ್ಸವ  ಅವರನ್ನು   ನೇಮಿಸಿದ್ದ     ಕೇಂದ್ರ ಗೃಹ ಸಚಿವಾಲಯ,   ಕೆಲವೇ ದಿನಗಳಲ್ಲಿ  ದೆಹಲಿ  ನಗರ  ಪೊಲೀಸ್ ಮುಖ್ಯಸ್ಥರ ಹುದ್ದೆಗೆ    ಬಡ್ತಿ ಕಲ್ಪಿಸಿದೆ.   ಮತ್ತೊಂದೆಡೆ ದೆಹಲಿ ಗಲಭೆಯಲ್ಲಿ  ಮೃತಪಟ್ಟವರ  ಸಂಖ್ಯೆ  ೩೮ಕ್ಕೆ ಏರಿಕೆಯಾಗಿದೆ.