ಆಯೋಧ್ಯ, ಫೆ  ೨೮ :   ಭವ್ಯ ರಾಮ ದೇಗುಲ  ನಿರ್ಮಾಣ ಕಾರ್ಯಗಳು   ಪೂರ್ಣಗೊಳ್ಳುವವರೆಗೆ  ರಾಮಲಲ್ಲಾ ವಿಗ್ರಹವನ್ನು ಪರ್ಯಾಯ  ಜಾಗಕ್ಕೆ    ಸ್ಥಳಾಂತರಿಸುವ  ಸಂಬಂಧ  ನಿರ್ಧಾರ ಕೈಗೊಳ್ಳಲು   ರಾಮ ಮಂದಿರ ನಿರ್ಮಾಣ ಸಮಿತಿ ಅಧ್ಯಕ್ಷ ನೃಪೇಂದ್ರ ಮಿಶ್ರಾ  ಶನಿವಾರ ಆಯೋಧ್ಯೆಗೆ ಭೇಟಿ ನೀಡಲಿದ್ದಾರೆ.  

ಆಯೋಧ್ಯೆಗೆ  ಆಗಮಿಸುವ ಮುನ್ನ   ಅವರು  ಲಕ್ನೋದಲ್ಲಿ ಶುಕ್ರವಾರ  ಸಂಜೆ   ಮುಖ್ಯಮಂತ್ರಿ  ಯೋಗಿ ಅದಿತ್ಯನಾಥ್  ಅವರನ್ನು ಭೇಟಿ ಮಾತುಕತೆ ನಡೆಸಲಿದ್ದಾರೆ.

ದೇಗುಲ ನಿರ್ಮಾಣ ಸಮಿತಿ ಅಧ್ಯಕ್ಷರು  ಮೊದಲು  ರಾಮಲಲ್ಲಾ  ದೇಗುಲಕ್ಕೆ  ಪೂಜೆ ಸಲ್ಲಿಸಿ  ನಂತರ   ದೇಗುಲ ನಿರ್ಮಾಣಗೊಳ್ಳಲಿರುವ ಪ್ರದೇಶವನ್ನು ಪರಿಶೀಲನೆ ನಡೆಸಲಿದ್ದಾರೆ ಎಂದು  ಅಧಿಕಾರಿಗಳು ತಿಳಿಸಿದ್ದಾರೆ. 

ದೇಗುಲ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳುವವರೆಗೆ  ವಿಗ್ರಹವನ್ನು   ಸ್ಥಳಾಂತರಗೊಳಿಸಲು ಪರ್ಯಾಯ ಸ್ಥಳ ಕುರಿತು   ಚರ್ಚಿಸಲು ನೃಪೇಂದ್ರ  ಮಿಶ್ರಾ, ರಾಮ ಜನ್ಮ ಭೂಮಿ  ತೀರ್ಥ  ಕ್ಷೇತ್ರ ಟ್ರಸ್ಟ್  ಸದಸ್ಯರೊಂದಿಗೆ  ಸಭೆ ನಡೆಸುವ ನಿರೀಕ್ಷೆಯಿದೆ.

ಈ ನಡುವೆ  ರಾಮಜನ್ಮ ಭೂಮಿ ಪ್ರದೇಶದಲ್ಲಿ  ಆರಂಭಿಸಲಾಗಿರುವ  ಸ್ವಚ್ಚತಾ ಅಭಿಯಾನದ ಉಸ್ತುವಾರಿಯನ್ನು      ಸರ್ಕಾರಿ  ಅಧಿಕಾರಿಗಳು  ನಿರ್ವಹಿಸುತ್ತಿದ್ದಾರೆ. 

ಮತ್ತೊಂದು ಕಡೆ,  ಹಲವಾರು  ಕಾರಣಗಳಿಂದಾಗಿ   ಜಿಲ್ಲಾಡಳಿತ  ಇಡೀ ಜಿಲ್ಲಾದ್ಯಂತ  ಸೆಕ್ಷನ್ ೧೪೪ರಡಿ   ನಿಷೇಧಾಜ್ಞೆಯನ್ನು   ವಿಸ್ತರಿಸಿದೆ.