ವಿಜಯಪುರ 05: ನಗರದ ಪ್ರತಿಷ್ಠಿತ ಬಿ.ಎಲ್‌.ಡಿ.ಇ ಸಂಸ್ಥೆಯ ಬಿ. ಎಂ. ಪಾಟೀಲ ಪಬ್ಲಿಕ್ ಶಾಲೆಯಲ್ಲಿ ವಿಜ್ಞಾನ, ಸಮಾಜ, ಗಣಿತ ಸೇರಿದಂತೆ ನಾನಾ ಭಾಷಾ ವಸ್ತು ಪ್ರದರ್ಶನ ಮಂಗಳವಾರ ನಡೆಯಿತು.  

ಬಸವನ ಬಾಗೇವಾಡಿಯ ಸಿಡಿಪಿಓ ಶಿಲ್ಪಾ ಎಸ್‌. ಹಿರೇಮಠ ಮತ್ತು ಬಿ.ಎಲ್‌.ಡಿ.ಇ ಸಂಸ್ಥೆಯ ವಚನಪಿತಾಮಹ ಡಾ. ಫ. ಗು. ಹಳಕಟ್ಟಿ ಎಂಜಿನಿಯರಿಂಗ್ ಕಾಲೇಜಿನ ಪ್ರಾಚಾರ್ಯ ಡಾ. ಪಿ. ಮಂಜುನಾಥ ಪಿ. ಕಾರ್ಯಕ್ರಮ ಉದ್ಘಾಟಿಸಿದರು.   

ಸಂಸ್ಥೆಯ ಮುಖ್ಯ ಸಲಹೆಗಾರ ಡಾ. ಆರ್‌. ವಿ. ಕುಲಕರ್ಣಿ, ಪ್ರಾಚಾರ್ಯ ಶೈಜೂ ನಾಯರ, ಹಿರಿಯ ಕಾರ್ಯ ಸಂಯೋಜಕ ದೀಪಾ ಜಂಬೂರೆ, ಬಾಲವಿಕಾಸ ಅಕಾಡೆಮಿ ಅಧ್ಯಕ್ಷ ಸಂಗಮೇಶ ಬಬಲೇಶ್ವರ ಮುಂತಾದವರು ಉಪಸ್ಥಿತರಿದ್ದರು.  

ನಾನಾ ಮಾದರಿಗಳನ್ನು ವೀಕ್ಷಿಸಿದ ಗಣ್ಯರು, ಮಕ್ಕಳೊಂದಿಗೆ ಆ ಮಾದಿರಗಳ ಪ್ರಯೋಜನ ಮತ್ತೀತರ ವಿಷಯಗಳ ಕುರಿತು ಮಾಹಿತಿ ಪಡೆದರು.  ಆಂಗ್ಲಭಾಷೆಯ ಸಂಗೀತ ಅನುವಾದ ಮಾದರಿ, ಹಿಂದಿಭಾಷೆಯ ವ್ಯಾಕರಣಕ್ಕೆ ಸಂಬಂಧಿಸಿದ ಮಾದರಿಗಳು ಗಮನ ಸೆಳೆದವು.   

ಮಕ್ಕಳು ನಡೆಸಿಕೊಟ್ಟ ಕನ್ನಡ ಭಾಷೆಯ ಅನುಭವ ಮಂಟಪದ ಶರಣರ ವಚನಗೋಷ್ಠಿ ಹಾಗೂ ಜನಪದ ಕಲಾವೈಭವ ಯಕ್ಷಗಾನ, ಕಂಸಾಳೆ, ವೀರಗಾಸೆಗಳು ಪ್ರದರ್ಶನಗಳು ನೆರೆದ ಜನಮನ ಸೂರೆಗೊಂಡವು.