ನವದೆಹಲಿ, ಜ ೨೭:          ದೇಶದಲ್ಲಿ   ಪ್ರಧಾನಿ ನರೇಂದ್ರ ಮೋದಿ ಅವರ  ಜನಪ್ರಿಯತೆ  ಕಡಿಮೆಯಾಗಿಲ್ಲ ಎಂದು  ಐಎಎನ್‌ಎಸ್-  ಸಿ ವೋಟರ್  ಸಮೀಕ್ಷೆ  ಹೇಳಿದೆ.  

ಪೌರತ್ವ ತಿದ್ದುಪಡಿ ಕಾಯ್ದೆ  ಹಾಗೂ ರಾಷ್ಟ್ರೀಯ ಪೌರತ್ವ ನೋಂದಣಿ  ಪ್ರಕ್ರಿಯೆ  ವಿರೋಧಿಸಿ   ದೇಶಾದ್ಯಂತ ಪ್ರತಿಭಟನೆಗಳು ನಡೆಯುತ್ತಿದ್ದರೂ,   ಪ್ರಧಾನಿ ನರೇಂದ್ರ ಮೋದಿ ಹಾಗೂ ಆಡಳಿತಾರೂಢ   ಬಿಜೆಪಿ ಪಕ್ಷದ  ಪರ ಜನರ ಒಲವು ದೇಶಾದ್ಯಂತ  ಪ್ರಬಲವಾಗಿದೆ ಎಂದು  ಸಮೀಕ್ಷೆ ತಿಳಿಸಿದೆ.

 ದೇಶಾದ್ಯಂತ ಕೈಗೊಂಡಿದ್ದ   ಸಮೀಕ್ಷೆಯಲ್ಲಿ,   ನರೇಂದ್ರ ಮೋದಿ  ಆಡಳಿತದ ಬಗ್ಗೆ  ಶೇ.  ೫೬. ರಷ್ಟು  ಜನರು ತೃಪ್ತಿ ವ್ಯಕ್ತಪಡಿಸಿದ್ದಾರೆ.  ಮೋದಿ ಪ್ರಧಾನಿಯಾಗಿ ಮುಂದುವರಿಯಬೇಕು ಎಂದು ಶೇ  ೬೨.೩ರಷ್ಟು ಮಂದಿ    ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.   ಪ್ರಧಾನಿಯಾಗಿ  ಮೋದಿಯವರಿಗೇ   ನಮ್ಮ ಮತ ಎಂದು ಶೇ.  ೭೦ರಷ್ಟು ಮಂದಿ  ಎಂದು ಸ್ಪಷ್ಟಪಡಿಸಿದ್ದಾರೆ. ಮೋದಿ ಆಡಳಿತದ ಬಗ್ಗೆ  ಶೇ. ೧೯.೮ರಷ್ಟು  ಮಂದಿ  ಮಾತ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.  ಈಗಿನ ಸನ್ನಿವೇಶಗಳಲ್ಲಿ  ಚುನಾವಣೆ ನಡೆದರೆ ಬಿಜೆಪಿಗೆ ೩೩೦ ಸ್ಥಾನಗಳು ಸಿಗಲಿವೆ ಎಂದು ಎಬಿಪಿನ್-ಎಸ್‌ಇ ಮತದಾರರ ಸಮೀಕ್ಷೆ ತಿಳಿಸಿದೆ.