ಇಂಡಿ 10: ಸಿ ವಿ ರಾಮನ್ ಪಿಯು ಕಾಲೇಜ್ ಇಂಡಿಯಲ್ಲಿ  ಜೈನ ಧರ್ಮದ ಇಪ್ಪತ್ತನಾಲ್ಕನೇ ತೀರ್ಥಂಕರರಾದ ಭಗವಾನ್ ಮಹಾವೀರರ ಜಯಂತಿಯನ್ನು ಅರ್ಥಪೂರ್ಣವಾಗಿ ಆಚರಿಸಲಾಯಿತು.  

ಈ ಸಂದರ್ಭದಲ್ಲಿ ಸಂಸ್ಥೆಯ ಸಂಸ್ಥಾಪಕರಾದ ಶಿವಾನಂದ ಕಾಮಗೊಂಡ ಮಾತನಾಡಿಚಿಕ್ಕ ವಯಸ್ಸಿನಲ್ಲಿಯೇ ಸನ್ಯಾಸ ಸ್ವೀಕರಿಸಿದ ಸಹಾನುಭೂತಿಯ ಹೊಸ ಧರ್ಮವನ್ನು ಜಗತ್ತಿಗೆ ಪರಿಚಯಿಸಿದ್ದ ಭಗವಾನ್ ಮಹಾವೀರರು ಜೈನ ಸಂಪ್ರದಾಯಗಳು ಮಹಾವೀರನ ಜನನದ ಮೊದಲು ಆ ನಂಬಿಕೆಯ 23 ತೀರ್ಥಂಕರರು ಅಥವಾ ಪ್ರವಾದಿಗಳು ಇದ್ದರು ಎಂದು ಸಮರ್ಥಿಸಿಕೊಂಡು. ಹೀಗೆ ಮಹಾವೀರರನ್ನು ಜೈನ ಧರ್ಮದ ಇಪ್ಪತ್ತನಾಲ್ಕನೇ ತೀರ್ಥಂಕರ ಎಂದು ಪರಿಗಣಿಸಲಾಗಿದೆ. ಆ ಪ್ರವಾದಿಗಳಲ್ಲಿ ಮೊದಲನೆಯವರು ಋಷಭರು ಮತ್ತು ಮಹಾವೀರನಿಗಿಂತ ಮೊದಲು ಕೊನೆಯ ತೀರ್ಥಂಕರ ಪಾರ್ಶ್ವನಾಥರು ಎಂದು ಹೇಳಲಾಗುತ್ತದೆ. ಅವರ ಬಗ್ಗೆ ಕೆಲವು ವೃತ್ತಾಂತಗಳು ಇತಿಹಾಸಕ್ಕೆ ಲಭ್ಯವಿದೆ. ಆದರೆ ಅವರು ಕೂಡ ಮಹಾವೀರರಿಗಿಂತ 250 ವರ್ಷಗಳ ಮೊದಲು, ನೂರು ವರ್ಷಗಳ ಪೂರ್ಣ ಜೀವನವನ್ನು ನಡೆಸಿದ ನಂತರ ನಿಧನರಾದರು ಎಂದು ಹೇಳಲಾಗುತ್ತದೆ ಎಂದು ಹೇಳಿದರು. 

ಇದೇ ಸಂದರ್ಭದಲ್ಲಿ ಪ್ರಾಧ್ಯಾಪಕಿ ವಿದ್ಯಾಶ್ರೀ ಮಾತನಾಡಿ ಮಹಾವೀರ ಸ್ವಾಮಿಗಳು ತಮ್ಮ ಜೀವನದ ಮೂಲಕ ಅಹಿಂಸೆ, ಸತ್ಯ, ಕರುಣೆ ಮತ್ತು ಸ್ವಯಂ ಕೃಷಿಯ ಅದ್ಭುತ ತತ್ವಗಳನ್ನು ಪ್ರಸ್ತುತಪಡಿಸಿದರು. ಅವರ ಬೋಧನೆಗಳು ಇಂದಿಗೂ ಪ್ರತಿಯೊಬ್ಬ ವ್ಯಕ್ತಿಗೂ ಸ್ಫೂರ್ತಿ ಮೂಲವಾಗಿದೆ ಎಂದು ಹೇಳಿದರು.   

ಸಂಸ್ಥೆಯ ಉಪಾಧ್ಯಕ್ಷರಾದ ಶೈಲೇಶ ಬೀಳಗಿ, ವರ್ಧಮನ್ ಮಹಾವೀರ್, ಸನ್ಮತಿ ಹಳ್ಳಿ, ಪ್ರಸನ್ ಕುಮಾರ್ ನಾಡಗೌಡ, ಶೈಲಜ ಜಹಗೀದಾರ್, ಪ್ರಾಧ್ಯಾಪಕರಾದ ಚಂದ್ರಶೇಖರ್ ಬಿರಾದಾರ್, ಸದ್ದಾಂ ಗಂಗೂರ್, ಕಾವ್ಯ ಬಿರಾದಾರ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.