ತಮ್ಮ ಸಂಪ್ರದಾಯದಂತೆ ದೀಪಾವಳಿ ಆಚರಿಸಿದ ಲಂಬಾಣಿಯರು   

ನರೇಗಲ್ 23 : ಪಟ್ಟಣದ ಬಂಜಾರ(ಲಂಬಾಣಿ) ಜನರು ವಾಸಿಸುವ ಮನೆಗಳಲ್ಲಿ ದೀಪಾವಳಿಯಂದು ಅವಿವಾಹಿತ ಯುವತಿಯರು ಮೇರಾ (ದೀಪ ಬೆಳಗುವುದು) ಮಾಡಿದರು. ಚಿಕ್ಕ ಮಕ್ಕಳಿಂದ ದೊಡ್ಡವರವರೆಗೆ ಲಕ್ಷ್ಮೀ ಪೂಜೆಯ ಮೊದಲು ಗೋಪೂಜೆ ಮಾಡಿದರು. ನಂತರ ರಾತ್ರಿ  ಢಾಕಣಿ (ಹರಳೆಣ್ಣೆ ದೀಪದ ಆರತಿ)ಗಳನ್ನು ಹಚ್ಚಿಕೊಂಡು ಮನೆ ಜಗಲಿಗೆ ನಂತರ ತಂದೆಗೆ ಬಾಪೂ ತೋನ ಮೇರಾ.., ತಾಯಿಗೆ ಯಾಡಿ ತೋನ ಮೇರಾ. ಅಣ್ಣನಿಗೆ ಭೀಯಾ ತೋನ ಮೇರಾ. ಎಂದು ಮನೆಯವರಿಗೆ ಮೇರಾ ಮಾಡಿದರು.   ತಾಂಡಾದ ನಾಯಕನ ಮನೆಗೆ ಹೋಗಿ ಹಾಡುವ ಮೂಲಕ ಮೇರಾ ಮಾಡಿದರು.  ಅದಾದ ಮೇಲೆ ತಾಂಡಾದ ಇತರೆ ಮನೆಗಳಿಗೆ ಹೋಗಿ ಮಾವನಿಗೆ ಮಾಮಾ ತೋನ ಮೇರಾ. ಅತ್ತೆಗೆ ಫೂಫಿ ತೋನ ಮೇರಾ ಹೀಗೆ ಮನೆಯ ಪ್ರತಿಯೊಬ್ಬರಿಗೂ ಹಾಗೂ ಹಿತೈಷಿ ಬುಂಧುಗಳ ಮನೆಯ ಸದಸ್ಯರಿಗೂ ಮೇರಾ ಮಾಡಿದರು.  ಈ ವೇಳೆ ಪ್ರೀತಿಯಿಂದ ನೀಡಿದ ಉಡುಗರೆಯನ್ನು ಸ್ವೀಕರಿಸಿದರು. ಯುವತಿಯರು ಮೇರಾ ಮಾಡುವುದರಿಂದ  ಆ ಮನೆಯ  ಅಂಧಕಾರ, ದುಷ್ಟಶಕ್ತಿ ದೂರಹೋಗಿ ಸಮೃದ್ದಿಯ ಬೆಳಕು ಬರುತ್ತದೆ. ವ್ಯಕ್ತಿಯ ಆಯುಸ್ಸ, ಆರೋಗ್ಯ, ಹೆಚ್ಚಿಸುತ್ತದೆ ಅದಕ್ಕಾಗಿ ಯುವತಿಯರು  ಮನೆಯನ್ನು ಪ್ರಜ್ವಲಿಸುತ್ತಾರೆ ಎನ್ನುವ ನಂಬಿಕೆ ಬುಡಕಟ್ಟು ಬಂಜಾರ ಜನಾಂಗದಾಗಿದೆ.