ನೇಸರಗಿ 28:  ಬಾಲ್ಯದಲ್ಲಿ ಮಕ್ಕಳು ತಂಬಾಕು ಸೇವನೆಯಿಂದ ಮುಂದೆ ಬಾಳಿ ಬದುಕುವ ಜೀವನವನ್ನು  ತಾವೇ ಹಾಳು ಮಾಡಿಕೊಳ್ಳುತ್ತಿದ್ದಾರೆ. ವಿದ್ಯಾರ್ಥಿಗಳು ಹಾಗೂ ಮಕ್ಕಳು ತಂಬಾಕು ಮತ್ತು ದುಶ್ಚಟಗಳಿಂದ ದೂರವಿದ್ದು ಜೀವನದಲ್ಲಿ ಮುಂದೆ ಬರಬೇಕೆಂದು ಕರ್ನಾಟಕ ಜನಜಾಗ್ರತಿ ವೇದಿಕೆಯ ವಿಠ್ಠಲ ಪಿಸೆ ಹೇಳಿದರು.     ಅವರು ಶನಿವಾರದಂದು ಸಮೀಪದ   ಗಾಳೇಶ್ವರ ಮಠದ     ರೇವಣಸಿದ್ದೇಶ್ವರ ಪ್ರೌಢಶಾಲೆಯಲ್ಲಿ ತಂಬಾಕು ವಿರೋಧಿ ದಿನಾಚರಣೆ ಕಾರ್ಯಕ್ರಮ ಮಾತನಾಡಿದರು.  ಶಾಲೆಯ ಮುಖ್ಯ ಗುರುಗಳಾದ ಶರಣು ಮಾದಾಪುರಮಠ ಮಾತನಾಡಿ ಮಕ್ಕಳಿಗೆ ತಂಬಾಕು ಸೇವನೆಯಿಂದ ಆಗುವ ದುಷ್ಪರಿಣಾಮದ ಕುರಿತು  ಮಾಹಿತಿ ನೀಡಿದರು.  

ಅದರ ಜೊತೆಗೆ   ಪರಿಸರ  ಸಂರಕ್ಷಣೆ ಕುರಿತು  ಮಕ್ಕಳಿಗೆ ಮಾಹಿತಿ ನೀಡಿದರು ಹಾಗೂ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಕಾರ್ಯಕ್ರಮಗಳ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರು.ಧರ್ಮಸ್ಥಳ ಗ್ರಾಮೀಣಭಿವೃದ್ಧಿ ಸಂಘದ  ವಲಯ ಮೇಲ್ವಿಚಾರಕರಾದ ಪ್ರವೀಣ ದೊಡಮನಿ  ಯೋಜನೆಯ ಕಾರ್ಯಕ್ರಮಗಳ ಕುರಿತು  ಮಕ್ಕಳಿಗೆ ಮಾಹಿತಿ ನೀಡಿದರು.               

ನಿರೂಪಣೆಯನ್ನು  ಶಿಕ್ಷಕರಾದ ಎ ಬಿ  ದಳವಾಯಿ ಸ್ವಾಗತವನ್ನು   ಸಹ ಶಿಕ್ಷಕರಾದ  ಎಸ್ ಜಿ  ಚಿಕನಿಸ, ವಂದನಾರೆ​‍್ಣಯನ್ನು  ಸೇವಾಪ್ರತಿನಿಧಿ ನಾಗವೇಣಿ ರವರು ನಡೆಸಿಕೊಟ್ಟರು.  ಕಾರ್ಯಕ್ರಮದಲ್ಲಿ ಗ್ರಾ ಪಂ ಸದಸ್ಯ ರಾಜು ಬುಗಡಿಗಟ್ಟಿ, ಶಾಲೆಯ ಶಿಕ್ಷಕರು, 100 ವಿದ್ಯಾರ್ಥಿಗಳು ಭಾಗವಹಿಸಿದ್ದರು.