ನವದೆಹಲಿ, ಆಗಸ್ಟ್ 11     ಪ್ರವಾಹ ಪೀಡಿತ ಕನರ್ಾಟಕ, ಕೇರಳ ಮತ್ತು ಮಹಾರಾಷ್ಟ್ರ ರಾಜ್ಯಗಳಲ್ಲಿ ಪರಿಹಾರ ಸಾಮಗ್ರಿಗಳ ಸಾಗಣೆಗೆ ಮೇಲಿನ ಸರಕು ಶುಲ್ಕ ರದ್ದುಗೊಳಿಸಿರುವುದಾಗಿ ರೈಲ್ವೆ ಇಲಾಖೆ ಹೇಳಿದೆ.   ಸರಕುಗಳ ರೈಲು ಅಥವಾ ಪಾಸರ್ೆಲ್ ವ್ಯಾನ್ ಮೂಲಕ ಅಂತರ್-ರಾಜ್ಯ ಮತ್ತು ಹೊರ ರಾಜ್ಯಗಳಿಂದ ನೆರವು ಮತ್ತು ಪರಿಹಾರ ಸಾಮಗ್ರಿಗಳನ್ನು ಸಾಗಿಸಲು ರೈಲ್ವೆ ನಿರ್ಧರಿಸಿದೆ.  ಕರ್ನಾಟಕ, ಕೇರಳ ಮತ್ತು ಮಹಾರಾಷ್ಟ್ರ ರಾಜ್ಯಗಳಿಗೆ ಪ್ರಮಾಣಿತ ಸಂಯೋಜನೆಯಲ್ಲಿ ಉಚಿತವಾಗಿ ನೆರವು ಕಳುಹಿಸಬಹುದು ಎಂದು ಭಾರತೀಯ ರೈಲ್ವೆ ಎಲ್ಲಾ ಜನರಲ್ ಮ್ಯಾನೇಜರ್ಗಳಿಗೆ ಶನಿವಾರ ತಡರಾತ್ರಿ ಅಧಿಸೂಚನೆ ನೀಢಿದೆ.   ದೇಶಾದ್ಯಂತದ ಎಲ್ಲಾ ಸರ್ಕಾರಿ ಸಂಸ್ಥೆಗಳು ಮೂರು ರಾಜ್ಯಗಳಿಗೆ ಉಚಿತವಾಗಿ ಪರಿಹಾರ ಸಾಮಗ್ರಿಗಳನ್ನು ಕಾಯ್ದಿರಿಸಬಹುದು ಎಂದು ಅಧಿಸೂಚನೆ ತಿಳಿಸಿದೆ.  ವಿಭಾಗೀಯ ರೈಲ್ವೆ ವ್ಯವಸ್ಥಾಪಕರು ಸೂಕ್ತವೆಂದು ಪರಿಗಣಿಸಲಾದ ಇತರ ಸಂಸ್ಥೆಗಳು ಸಹ ಈ ಪ್ರಯೋಜನವನ್ನು ಪಡೆಯಬಹುದು.  ಪರಿಹಾರ ಸಾಮಗ್ರಿಗಳ ಸಾಗಣೆಯನ್ನು ಉಚಿತವಾಗಿ ಕೈಗೊಳ್ಳಲಾಗುತ್ತಿರುವುದರಿಂದ, ಡೆಮುರೇಜ್ ಅಥವಾ ಇತರ ಶುಲ್ಕಗಳಂತಹ ಯಾವುದೇ ಪೂರಕ ಶುಲ್ಕಗಳನ್ನು ವಿಧಿಸಲಾಗುವುದಿಲ್ಲ ಎಂದು ಹೇಳಿಕೆಯಲ್ಲಿ ತಿಳಿಸಿದೆ.  ಆಗಸ್ಟ್.31 ರವರೆಗೆ ಅಥವಾ ಮುಂದಿನ ಆದೇಶಗಳವರೆಗೆ ಈ ಸೇವೆ ಲಭ್ಯ ಎಂದು ಇಲಾಖೆ ತಿಳಿಸಿದೆ.