ಗದಗ 18 :   ಬೇಟಿ ಬಚಾವೋ ಬೇಟಿ ಪಡಾವೋ ಯೋಜನೆಯಡಿ  ಜನೆವರಿ 24 ರಂದು  ರಾಷ್ಟ್ರೀಯ ಹೆಣ್ಣು ಮಕ್ಕಳ ದಿನಾಚರಣೆ ಅಂಗವಾಗಿ ಜಿಲ್ಲೆಯಲ್ಲಿ ಜನೆವರಿ 20  ರಿಂದ 26 ರವರೆಗೆ  ಜಾಗೃತಿ  ಸಪ್ತಾಹ ಕಾರ್ಯಕ್ರಮ  ಹಮ್ಮಿಕೊಳ್ಳಲಾಗಿದೆ ಎಂದು  ಗದಗ ಜಿಲ್ಲಾಧಿಕಾರಿ ಎಂ.ಜಿ. ಹಿರೇಮಠ ತಿಳಿಸಿದರು.

         ಗದಗ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ  ಜರುಗಿದ ಪೂರ್ವಭಾವಿ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.    ಬೇಟಿ ಬಚಾವೋ ಬೇಟಿ ಪಡಾವೋ  ಯೋಜನೆಯ ಅನುಷ್ಟಾನಕ್ಕಾಗಿ  ಗದಗ  ಜಿಲ್ಲೆಗೆ ಎರಡು ಬಾರಿ ರಾಷ್ಟ್ರೀಯ ಪ್ರಶಸ್ತಿ ದೊರೆಕಿದೆ.   ಜಿಲ್ಲೆಯಲ್ಲಿ  ಶೇಕಡ 80  ರಷ್ಟು  ಮಹಿಳಾ ಶಿಕ್ಷಕಿಯರಿದ್ದು   ಈ ಕುರಿತು ತಾಲೂಕು ಮಟ್ಟದಲ್ಲಿಯೂ ಸಹ  ಆಯ್ದ  ಗ್ರಾಮ ಪಂಚಾಯತ್ ಮತ್ತು ಹೋಬಳಿಗಳಲ್ಲಿ ವಿಶೇಷ ಗ್ರಾಮ ಸಭೆ ಹಾಗೂ ವಿವಿಧ ಕಾರ್ಯಕ್ರಮಗಳನ್ನು  ನಡೆಸಲು  ಜಿಲ್ಲಾಧಿಕಾರಿಗಳು  ನಿದರ್ೇಶನ ನೀಡಿದರು.       

       ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿದರ್ೇಶಕರಾದ  ಡಾ. ಎಚ್.ಎಚ್. ಕುಕನೂರ ಅವರು ಮಾತನಾಡಿ  ಮಹಿಳಾ ಜಾಗೃತಿ  ಸಪ್ತಾಹ ಕಾರ್ಯಕ್ರಮದಲ್ಲಿ  ಕುಂಭಮೇಳ,  ಜಾಥಾ ಕಾರ್ಯಕ್ರಮ , ಪ್ರತಿಜ್ಞಾ ವಿಧಿ ಬೋಧನೆ,   ಸಹಿ ಆಂದೋಲನ ಕಾರ್ಯಕ್ರಮ ಜರುಗುವುವು.   ಅಲ್ಲದೇ  ಆರೋಗ್ಯ ಮತ್ತು ಶುಚಿತ್ವ ಕಾರ್ಯಾಗಾರ, ಮಕ್ಕಳ ಹಕ್ಕುಗಳ ಬಗ್ಗೆ ಕಾರ್ಯಕ್ರಮ,   ವಾಲ್ ಪೇಂಟಿಂಗ್ , ಚಿತ್ರಕಲಾ ಸ್ಪಧರ್ೆ , ಸಮುದಾಯ ಸಭೆಗಳ ಆಯೋಜನೆ,   ಮಹಿಳಾ ಸಾಧಕಿಯರಿಗೆ ಸನ್ಮಾನ  ಕಾರ್ಯಕ್ರಮ, ಕಲಾತಂಡಗಳಿಂದ ಬೀದಿನಾಟಕ , ಹೆಣ್ಣು ಮಗುವಿನ ಹೆಸರಿನಲ್ಲಿ  ಸಸಿ ನಡೆಸುವ ಕಾರ್ಯಕ್ರಮ,   ಸುಕನ್ಯಾ ಸಮೃದ್ಧಿ ಯೋಜನೆ  ಬಗ್ಗೆ ಪ್ರಚಾರ,  ಹೆಣ್ಣು ಮಕ್ಕಳ ದಿನಾಚರಣೆ, ಮಹಿಳೆ ಮತ್ತು ಮಕ್ಕಳ  ಕಾಯ್ದೆ ಕುರಿತು  ಅರಿವು  ಮೂಡಿಸುವ ಕಾರ್ಯಕ್ರಮಗಳನ್ನು  ಏರ್ಪಡಿಸಲಾಗುತ್ತಿದೆ.     ಆಶಾ ಮತ್ತು ಅಂಗನವಾಡಿ  ಕಾರ್ಯಕರ್ತೆಯರು ಮನೆ ಮನೆಗೆ ತೆರಳಿ ಬೇಟಿ ಬಚಾವೋ ಬೇಟಿ ಪಡಾವೋ ಕಾರ್ಯಕ್ರಮದ  ಸ್ಟಿಕರ್ಸ್ ಗಳನ್ನು   ಪಂಚಾಯತ್ ಕಟ್ಟಡ ಹಾಗೂ ಸಾರ್ವಜನಿಕ ಸ್ಥಳಗಳಲ್ಲಿ ಅಂಟಿಸುವುದರ ಮೂಲಕ  ಜಾಗೃತಿ ಮೂಡಿಸಲಿದ್ದಾರೆ ಎಂದು  ಕಾರ್ಯಕ್ರಮದ ವಿವರ ನೀಡಿದರು.  

          ಗದಗ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ  ಡಾ. ಆನಂದ ಕೆ,  ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ  ಎಸ್.ಜಿ. ಸಲಗರೆ,  ಪದವಿ ಪೂರ್ವ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಎಸ್.ಎಸ್. ಹಿರೇಮಠ,  ಶ್ರೀನಿವಾಸ ಹುಯಿಲಗೋಳ,  ಜಿಲ್ಲಾ ಮಕ್ಕಳ ರಕ್ಷಣಾ ಸಮಿತಿ ಮತ್ತು  ಮಕ್ಕಳ ಕಲ್ಯಾಣ ಸಮಿತಿಯ ಸದಸ್ಯರಾದ  ಮಂಜುನಾಥ ಬಮ್ಮನಕಟ್ಟಿ ,  ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳು, ವಿವಿಧ ಇಲಾಖೆಯ ಅಧಿಕಾರಿಗಳು ,    ಸಭೆಯಲ್ಲಿ ಉಪಸ್ಥಿತರಿದ್ದರು.